Du rojan niqaşên li ser toreya kurdî şevên payîza Hamburgê germ kirinJi Swêdê çîroknivîs Enwer Karahan, Ji bajên Elmanya Edîb Çelkî û Eskerê Boyik bûn mêvanê Hamburgê û bi xelkên vî bajarî re li ser tore û edebiyata kurdî axiftin. Ji bajarê Hamburgê jî wek moderatur Arşevê Oskan tev li mêvanan bû û ji bal beşdaran jî li ser gelek mijaran pirs hatin kirin. Ev çalakî ji hêla Hevkarê û berpirsê wê M. Elî Yildirim hatibû organizekirin. Mijarên wek dîroka helbesta kurdî, rewşa nivîskariya wêjeyî li kurdistan û Ewropayê û welatên Sofeyeta berê hatin niqaşkirin.
Her roj civînê li nêzîkî sê seetan dirêj dikir û rojê li nêzîkî 15-20 kesên wêjehez jî beşdarî şevan bûbûn. Rewşa wêjeya kurdî li bakurê Kurdistanê û Swêdê ji bal kek Enwer Karahan ve baş hate şirovekirin, li gel ku çîrokek xwe bi navê ”Li xerîbiyê şev melûl in” xwend û ji destpêka sedsala bîstan heta salên 2000 î qonax bi qonax li ser hate rawestandin. ji aliyekî din ji dîroka nivîskariya kurdên Sofeyeta berê û geşbûna zimanê kurdî û berhemên ku di wan qûnaxan de hatibûn weşandin ji aliyê nivîskar Eskerê Boyik ve bi berfirehî hate zelalkirin. Li gel rewşa xwe ya tenduristî jî dîsa Eskerê Boyik wekî du seetan bê navber axift. Li ser rewşa helbesta kurdî û bandora helbesta erebî ji dema zendavesta û qelên êzîdiyan heta roja îro helbestvan Edîb Çelkî axift, li gel xwendina helbestek xwe ya stranê jî wek nemûne xwend. Di dema niqaşa li ser formên helbesta nûjen Arşev jî perçak ji helbesteke xwe xwend û bi vî awayî mêvanan sipasiya Hevkarê kirin û li ser hêviya careke din şev bi dawî bûn.
