Nivîskarê Kurd Fûad Sîpan di rêza yekem de wek namzetê partiya çep (DIE LINKE) ji bo civata Şaredariya (meclîsa Belediya) bajarê Bielefeld-Dornberg hate hilbijartin.Îro 30.08.2009an de li Almanya, li herêma Nordrhein-Westfalen hilbijartina mehelî çê bû. Di hilbijarinê de partiya Hevgirtina Filehên Demokratên Alman (CDU) bi piraniya dengan bi ser ket û piraniya Belediyan bi dest xist.
Hêjayî gotinê ye, ku li tevaya Almanya Federal 82 mîlyon hemwelatî dijîn.
Li Almanya 16 herêm-eyalet hene û herêma Nordrhein-Westfalen bi hêjmara hemwelatiyên xwe 18 mîlyone, herêma herî mezine û paytexta wê jî Düsseldorf e. Jixwe hukumeta herêmê jî bi Koalîsyona di navbera partiya CDU (partiya Hevgirtina Filehên Demokratên Alman) û FDP (partiya lîberalên-azadîxwazên Alman) de tê îdare kirin.
Serokwezîrê herêma Nordrhein-Westfalen ji partiya CDU ye û navê wî Jürgen Rüttgers e.
Serokwezîrê herêma Nordrhein-Westfalen ji partiya CDU ye û navê wî Jürgen Rüttgers e.
Li Almanya partiyên herî bi hêzin, him di parlamena Almanya Federal de û him jî li herêman desthilat û herwisa muxalefetin ev in:
CDU-Christlich Demokratische Union (partiya Hevgirtina Filehên Demokratên Alman)
SPD- Sozialdemokratischen Partei Deutschlands (partiya Sosyal Demokratên Alman)
Die Grünen (partiya keskan)
FDP-Die Liberalen (partiya lîberalên-azadîxwazên Alman)
Şîrove (0)