Demhat Dêrikî
Diyarî bo Dilawer û Diyana: Dema ku evîn hemû sînoran derbas dike û evîn
hembêza xwe ji evînê re vedike û her du di deryaya evînê de dibin yek.
Xatûna min!
Hemû şev û kêlî di hunandin û rêsandina xewnên te de
Temenê xwe di katijmêra demê de diborînin.
Hemû peyv û hevok di kolana sing û berê te de ji dayîk dibin
Û di navbera lêvên te de sed siwara dikin qurban.
Erê xatûna paytexta evîna min
Rojbaş tuyî
Nîvrobaş tuyî
Êvarbaş tuyî
Şevbaş tuyî.
Tuyî qehweya sibê û silava min ya jînê…
Li vî welatê ku ez û tu eşqa axa xwe bi strana eşqê distirînin
Te di tabloya dilê xwe de dikim xatûna stêran û
Hemû rêngên wêneya te ya ku min li ser dilê xwe neqişkirî ji rengê caniya te ye xanim.
De dergehê dilê xwe veke
Û bi wî kenê xwe yê gulnarîn bibêje;
Fermo were, min di nava cenga ramûsanên şevê de hembêz bike,
Ji laşê min kaniya vejîne û di nav de avjeniyê bike cano!
De ka hembêza xwe veke xanim, min di nava di salên xwe de bibe
Bila hemû demsalên te ez bim
Bila hemû aşopên te ez bim, bila hemû şahiyên te ez bim.
Bila û bila neynika te ez bim
Bila siya dara te ez bim
Bila keser û beşrîna te ez bim keça rojhilat.
De hembêza xwe veke û min di evîna xwe de hembêz bike xanim!…
Rojbaş tuyî
Nîvrobaş tuyî
Êvarbaş tuyî
Şevbaş tuyî.
Tuyî qehweya sibê û silava min ya jînê…
Li vî welatê ku ez û tu eşqa axa xwe bi strana eşqê distirînin
Te di tabloya dilê xwe de dikim xatûna stêran û
Hemû rêngên wêneya te ya ku min li ser dilê xwe neqişkirî ji rengê caniya te ye xanim.
De dergehê dilê xwe veke
Û bi wî kenê xwe yê gulnarîn bibêje;
Fermo were, min di nava cenga ramûsanên şevê de hembêz bike,
Ji laşê min kaniya vejîne û di nav de avjeniyê bike cano!
De ka hembêza xwe veke xanim, min di nava di salên xwe de bibe
Bila hemû demsalên te ez bim
Bila hemû aşopên te ez bim, bila hemû şahiyên te ez bim.
Bila û bila neynika te ez bim
Bila siya dara te ez bim
Bila keser û beşrîna te ez bim keça rojhilat.
De hembêza xwe veke û min di evîna xwe de hembêz bike xanim!…
