Zîndan

Selah Mihemed

Tariya zîndanê bi ser minde hat
Dibe ez û mirinê bibine pat
Dergevana derî li ber min girtin
Ji ber şewqa tariyê çav ne hilat

Girêdayê qeyd û zincîrê weme
Li saya we bi carek ne hewceme
Li sozê xwe tucarî na qulupim
Ku ez bimrim şehîdê sozê xweme
 
Zîndanê ji cîhanê cudakirim
Qamçîbaza azadiyê dûrkirim
Can û cendek ji hevdû cudakirin
Min bikin hezar perçe ez namirim
 
Her bi her herçar dîwar ew têne hev
Ger ez bibim pêxember qet nîne rev
Gerdena dujmin bera ew bi xelê
Hewar û gazî û pirs tev bê bersev
 
 Qirdiyanê zîndanê carek tenê
Hêviy û gazincê min guh bidenê
Li min carek bi tenê guhdar bikin
Destê xwe bes bi guvêş li gerdenê
 
Qirdiyan û terî li min bûne yek
Nîne ruhnî ne pencere ne kulek
Ezê bimrim azadiyê nabînim