Dildar Ismail
Roĵek ji rojê buharê
Di roja nehê avdarê
Nih sed û heştê û nihe
Berî nîvro hê sibeh e
Li qamişlo lê çi bûye
Nalîn û qîr û haware
Feleka xayîn çi zanê
Berê wî dan goristanê
Çûna wî bi me girane
Bavê felek pir ciwane
Dil ma bi hisret û kule
Ahîna wî ji nav dile
Evîna welat ne berda
Birîna ya gelê kurda
Daxwaza wî ma di dilda
Evîna welat ne berda
Bavê felek nav û deng bû
Çûna wî jî zû bela bû
Mihemed şêxo na mirê
Ma kî wê rêça te bigrê
Tarîya hebis û zindan
Girtina bi zor û lêdan
Ji bo dayika niştiman
Hê zûbû ew canê ciwan
Dijmina ser te kir ferman
Xerîb û êsîriya wan
Serî netewand li ber wan
Hê zû bû ew canê ciwan
Ji bo dayika niştiman
Lê tiwî lawê kurdistan
Bûye ser bilind û hozan
Bi dengê te gelek sitran
Sitranê bi dilê şewat
Va ji dicla giha ferat
Ser çiyayê sîpan xelat
Dengê can bilbilê xweş hat
Ax derdê miletê kurdî
Hûn îro nebin di bendî
ji bo çi nêrgiz çilmisîn
Ma ka dema gula nisrîn
Felek ser me bûye xayîn
Bavê felek ma bi evîn
Dil va bûye kul û birîn
Li çar parçe bûye qêrîn
Êş û zor tarîya zindan
Lê ti wî lawê kurdistan
Qamişlo 09.03.1990
