valentine


Gulnar Eli

semiyana dil
evîn,
xwezî,
roniya pêngavên rojan e
keservedanên demê gêj
bişkujşilêra dilsoj
şev
şiyarmestî
siwarên valentine

rehwanê xwe li pêşiya min xist.
Buraqê çerxê êkûbîstê
gehandin hev.

Roj, heyv
reşdav li geştê
navbera dest û dilan
şûşeper
ji belgên şînahiyê,
pêlên sinoran
demên serxweş, ji qedexeyên çavên vê şevê
ax bi ax,
av bi av,
bi tilîliyên dîtina yekemîn,
birîskên bêdengiyê
taviyek hûr
şevnema şana min.

Valentine evro
Cane xwe di ruhaniya ruha min de faramoş bike
jibîr bike.
“ ANA AL HEQ”
pîroziya zayîna min
pîroziya şilêra vejiyay ser dêmê min
pîroziya dilêrê efsaneya evînê min
asîman mişt ji semayê kir,
ji stêrên keyf û kenînê.

Navê te  di gulwaza işqê de xweştirîn deng e.
Hedar,
roniya şevbendemanê
xogirê li ber reşbayên kelha evê şevê 
hogirê xewn û bêriyan
“ Delalê min, eve
çendikî çend salan”
di nav cejin û şahiyan
ferzindeka mişext bûm!

Hizar pelatînk hêlîna dil dagîr bikin,
hizar hezar awaz li ser serên min bibarin
hizar wêne di paxila min bizên,
dê pêkve gorî girnijîneke te bikim.

Di henasa min de,
Tu, 
sorgul,
dil,
asîman,
dar û ber,
dîwar
û qedereka xwedayî sermest î.

Trafîk keskin,
homeless im,
bi qefta gulê belengaziya xwe û te dinuxumînim
şagul,
serkêşa govenda vê şahiyê me,
di nav çavên te de.
Tu „ Evra û ez

Saturday, February 14, 2009,
2:32:28 AM

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Hermeneutîk û post-hermeneutîk du têgehên bingehîn in di felsefe û zanistên mirovî de, ku bi têgehiştin û şîrovekirina heyber, wate û diyardeyên çandî ve girêdayî ne. Li vir taybetmendî û cûdahiyên di navbera van her du rêbazan de hene:

Hermeneutîk. Xislet û taybetmendî:

Pênase:

Hermeneutîk…

İSKAN TOLUN Köln:

Niha jî min dest bi xwendina pirtûk a şairê nemir Cegerxwîn kir. Ez bawerim ko ez wê pitûkê baş bişopînim wê nivîsa min e bi zimanê dayîkê gelek bi pêş keve. Pirtûk nûye, tîpguhêztine û wisa xwîya dike ko gramera zimanê kurdî baş bikar anîne. Destê wan sağ be!..

<p...

Şîlan Doskî

 

Çiyayên Kurdistanê di biharê de ji nû ve şiyar dibin. Piştî mehên dirêj ên zivistanê, giyayên kûvî li her derê şîn dibin, ku bi sedsalan beşeke girîng a çanda kurdî ne.

Ew ne tenê di çêkirina xwarinê de têne bikaranîn, lê ji ber taybetmendiyên xwe yên dermankirinê jî…

Tengezar Marînî

Ji bo em bikaribin pirsan biafirînin, pêdiviye em hişmendiya xwe têxin bin barê lixwevegeranê.

Vê carê bi felsefa civakî re û yek ji wan profesorên Fîlosof ên jin (Hanah Arendt

Teoriyên felsfa Civakî yên Hannah Arendt

Hannah Arendt (1906-1975) teorîzan û fîlozofeke siyasî ya bibandor…