Stockholm 2008-12-18
Jibo riswakirina pilanên nijadperest ên rêjîma Sûriyê lidijî Rojavayê Kurdistanê û rakirina fermana 49, roja 18-12-2008 an, şandeke hevbeşa Komîteya Hevkarî, Federasyon û Însiyatîv serî li wezareta derve ya Swêdê da.
Şanda kurd naverok, armanc û encamên ekonomî, civakî, dîmografî û çandî yên fermanê şirovekir û dozkir ko, Swêd û Yekîtiya Ewropa li berpirsyariya xwe derkevin, bêyî naskirina hebûna netewî ya kurd û çepsandina mafên meruvan, peymana şirîkatiyê bi Sûriyê re imze nekin. Herwiha rexne li sistayî û xemsariya Ewropa û Swêdê û kêmasiyên rporên wan derbarî pirsa kurd û mafên meruvan de li Sûriyê kir.
Berpirsyara beşê Sûriyê li wezaretê xanim Kristine Erlandsson nerazîbûna xwe lihember çewisandina kurd li Sûriyê diyar kir û zanîna xwe ya derbarê rewşa kurd û fermana 49 nîşanda, amaje bi çalakiyên kurdan li hundir û derveyê Sûriyê, rapor û pêwendî yên balyozxaneya Swêdê bi kurdan re û serdanên balyozxaneyên Nerwêc, Danmark û Kanada yên herêmên kurdî kir. Xanim Erlandsson soz da ko, vê pirsê deyne ber destê desthilata Swêdê, ji nêzîk ve wê bişopînin û bizavekê jibo rawestandina wê bikin.
Dawiyê, Şanda hevbeş sipasiya dezgeh û dewlet ên dostên kurd û parêzgerên mafên meruvan kir.
Komîteya Hevkariya Hêzên Siyasiyên Kurd û Kurdistanî li Swêdê;
Federasyona Komeleyên Kuristanî li Swêdê;
Insyatîva Kurd li Swêdê
Stockholm 2008-12-18
Şîrove (0)