Te bidim kê

Helbest: Semîh El Qasim                               Wegerandin: Berzanê Birîvî

Te bidim kê evîna min te bidim kê
Û helbesta evînê ji mi re bêje te diyarîkim ji bo kê
Ji kê re ? û xak hişke…. bê dile
Ji kê re ? û stirî komin li ser rêka min
Te bidim kê, Evîna min
Di bîra min de tê zaroka demên berê.. û rengên lîskê
Û kaniya sîkê… û veşargeh

Û em li wir,  ne diwestiyan
Em gêj dibûn bi lîska xweyî şêrîn
Li paş dîwêr… li nav bi`îv û hinar û çinarê
Di bîra min de tê şînahiya çavan… û gurnijîn
Û porê zerî berdayî li ber sura bê
Û ramûsana wê li ser dêmê min
Û gezkirna wê li ser milê min
Û giliyê wê li ber dê û bavê min… ku berdayî me … serserîme
Di bîra te de tê ? di bîra te de tê ?
********
Û di rojkê ji rojan de
Min ji zaroka xweya şêrîn re fîkand
Hate nik min tenatena… bê ken… xemsar
Û gote min bê silav:
Tu têdighêje.. ? diya min nema dihêle
Û heger te ban kir ji îro û pêde, pençere nema vedibe
Min lîsk berdaye dîno
Jiber ez nema zaro me
De ka ji min re bêje dilbirîno… evîna min te bidim kê
********
Di bîra min de tê zingîna zingil
Û dema pirtûk û hevalan… û şêrînê
Dihat bi kirasê xwenî xakî… bê pêwan
Di bîra min de tê waneya dîrokê… ku mamosta bi gûman dibû
Bi tilîkan ji mer digote na
Li hev ne zîvirin û ne gurnijin
Û bi qêrîn: bese guhdarbin
Bese… guhdarbin
Û di rojkê ji rojan de
Em zîvirîn… me bêdengiya nistîgeha buha hejand
Û wane buhurî.. wane buhurî pûç… bi giraniya salê
Û em tênegihiştin tişkî ji bilî xewnerojan
Û ne giham pirtûkan bidim hev ta ku min ew binçav kir
Û ji belkona şîn… ruwê bavê wê xuya kir
Û ruwê xwadiya wê xuya kir, û pîra wê, û meta wê
Û piştî çixarene pir… û piştî şînî û pelûbûnê
Şêrînê li belkonê xuya kir
Û çû, ji tirsa çavê meriv û cîranan
Ziq li min nerî… matmayî
Ez… nema… şagirtim..
De ka ji mi re bêj şîndaro… evîna min… te bidim kê
********
Di bîra min de tê şêrîna kargehê
Zû dihatim kar… jibo bêdengiya wê qezenc bikim
Beşdariya stiranên sibehê pêre bikim.. hin qehweya wê vexum
Û ji peyala wê.. razên buwara wê pêşkêşî wê bikim
Wek evînê dixwest.. dîroka çîroka wê bi dawî bikim
Lewra şêrîna kargehê dikeniya
Û têdigihişt.. ku ez.. sêrikê wê me
Û destê  min bi lepê xwe diguvaşt
 Û di kûrahiya çavên wê de
Hest dibûm bi hemû hewesên wê
********
Û di rojkê ji rojan de
Coşî û bêrîkirinê rahişte min
Û zû hatim kar… wek hercar
Û bedewê bêrîkirina min pêşwaz nekir bi gurnijînê
Û mir , berî zayîna wê , pêmayin ji silava wê
Û dema li min gûr bû qehra min
Devê wênî germî germ ket hevde, bi gotinek ne gotî:
Ji bilî min lîskekê ji xwere peydake
Ez îro…bi dergîstîme
Di bîra te de tê… tê bîra te
Tu hest dibe ez mezin dibim
Îca ji porspîbûn û tenahiyê ditirsim
Ma çi piştî raza tirsê… ma çi
Bese di evînê de zarotî
Ez nema zarome
Û ji min re bêje birînkûro evîna min , te bidim kê
Sedema westana min te bidim kê
(Bêjeyan) wane : ders- nistîgeh : miq`ed – raz : sir – sêrik : mu`ceb – hewes : rexbe
Helbest: Semîh El Qasim
Wegerandin: Berzanê Birîvî
Berzan@hotmail.com

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ez bi tenê rawestiyame,

Çemek ji ramanan,

Wêneyên ji sîberê di nav tevnê de,

Vedeng bêhingivtin.

Deng bi çirpekî xwe dişêlînin,

Henaseyek ji nostaljiyê,

Ronahîyek dişkê,

Xeyalên hilweşiyayî.

Bazin dizivirin,

lîstika demê,

dilopek dibare,

deng belav dibin.

Ta…

بێوارحسێن زێباری، هه‌ولێر

ئه‌گه‌ر ئه‌م ل سه‌ر ناسنامه‌ و گه‌لێ كورد ڕاوه‌ستین، دێ ئێكسه‌ر هزر و بیرێن مه‌ دێ بۆ وان شۆڕه‌ش و سه‌رهه‌ڵدانێن گه‌لێ كورد چن ئه‌وێن وان ئه‌نجام دایێ د قویناغێن جۆدا جۆدا دا بووینه‌ مایه‌ی ده‌ستكه‌فتن و ئه‌گه‌رێن هندێ كو كورد ببن خودان بڕیار و ده‌ستكه‌فێن زێده‌تر و…

Tengezar Marînî
Mirov hene, dema tûşî nexweşiyekê dibin,
pir kes û mirov bi wan diêşin, sedem jî ev in: an di nav civakê û di qada pê ve mijûl bi xeml û rewş dikin, an jî xwedan temen hindik û pichûk in û mirov dua dike, ku xwedê wan bi selamet bike. Mizgîn xweda evan herdû xesletan…

Konê Reş

Dr. Ehmed Nafiz Beg, yek bû ji wan têkoşer û welatparêzên kurd yên ku navê wan tucarî nayê jibîrkirin, bi taybetî di nav kurdên Cizîrê de. Ji ber ku ew ji yên pêşîn bû di warê dermankirina xelkê Cizîrê de.

Ew kurê welatparêzê kurd (Yusif Begê…