Nameyak bo merivé Evdalé Zeyniké Û Homerosé Kal:Yaşar Kemal

  Roj baş, Seyda.
Bi héviya siheteke baş û temenekî diréj…

Min ji nûçeyan bihîst*; Xelata Wejéyé ya ku Serokkomarî dide îsal layiqî cenabé te dîtine.
Ez bi navé te, mixabin nikarim xoşhalî û dilşadiya xwe diyarî cenabé te bikim.
Tu vé xelaté bistînî, sed heyf e ku ezé nebéjim pîroz be!
Ne ku cenabé te vé xelaté heq nake; te pir xelat heq kirine, te xelat wergirtine, û xelata herî mezin jî gihaye te: Dilé mirovan. Dilé milyon milyon meriv…

Ji dilé mirovan wir ve tir xelateke héjatir, bihatir, bi nîrxtir..?
Bivé nevé, xelat nişaneya héjayiyé ye, ya payebilindiyé!
Ê jixwe tu merivekî héja, pénûsekî xurt î xur, nivîskaré ku mirovahî pé bi rûmet û serbilind e yî.

Tu Yaşar Kemal î, ezbenî!

Hay ji xwe hebe: tu bi saxî nemir î, tu bimrî jî tu nemîr î.
Hay ji xwe hebe, û xwe bi desté xwe nemirîne.
Jahra ku pé ‘bimrî’ ye ev xelat, û didine te!
Di dawiya temené te de bi xelateké te jî ‘kedî’ bikin, te jî bikin ‘kuré dewleté’!

Bi xelatéké tu yé bixapî, ezbenî?
Qey tu bi qasî xelateké Serokkonariyé erzan î?

Tu Yaşar Kemal î, ezbenî:
Yek ji zarokén Homeros, merivé herî nézî Evdal!*

Tu Yaşar Kemal î,ezbenî:
Xwediyé romanén stûr stûr; ji pirtukén pîroz jî stûrtir…

Yé péximberan yek e, yé te deh in, panzdeh in!

De were,  mérxasiyeké bike, wernegire vé xelaté ji desté Serokkomar!
Wernegire, red bike bi navé 50 hezar kuştîyî!
Wernegire, red bike bi navé 5 milyon kesén ji cih û warén bûyî!
Wernegire, red bike bi navé 4 hezar gundén şewitî, rondikén herikî, xwîna rijiyayî û tét rijandin… û éşa ku hatiye kéşan û hé jî tét kişandin!

Tu ne yé qewîtiyé yî, rézdar.

Û haşa; ez û şîretan li te bikim, ré bidim ber te?

Lé dîsa jî, weke merivekî ji merivén Evdalé Zeyniké, weke şairekî evdalé zimané xwe; û bi qasî ku cenabé te bi ser wéjeya kurd ve bernadim jî; min xwest gewretiya te, dilériya te, kurdîtiya te bi bîra te bînim, ezbenî!

Li gel rézgirtiné, silavén ji milké dil.

30/10/2008

Arjen Arî

*Diyarmane

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ji bo em bikaribin pirsan biafirînin, pêdiviye em hişmendiya xwe têxin bin barê lixwevegeranê.

Vê carê bi felsefa civakî re û yek ji wan profesorên Fîlosof ên jin (Hanah Arendt

Teoriyên felsfa Civakî yên Hannah Arendt

Hannah Arendt (1906-1975) teorîzan û fîlozofeke siyasî ya bibandor…

EBDILBAQȊ ELȊ

Avdareke nȗ ȗ rewșȇn dijwar

Dem dibûre û sal li pey salȇ tȇn, sal nȗ dibin, temenê mirov jî bi xwe re kintir û kevintir dike, lȇ mirov tu carȋ ranaweste, hêvî, omȋd û dilxwazî di dil de her dimînin ȗ her ȗ her nȗjen, zindî û…

Narîn Omer

Bi çavên min te nabînin
bi lêvên min te naxwînin
Di dermafên te şaşyar in
xwe yekcarê dixapînin

Nikarim bê te jîndarbim
tenê rûnim tenê rabim
Tuyî mayîn tu jîna min
ji ber mana te vîndar bim

Li gor dana te bêzar im
li ber pesnên te bêzar im
Ziman û ev qelem jar bûn
li şûna…

Rêber Hebûn

Dîwana Sîmirbazî bi şêweyekî zanyarî û wêjeyî hatiye nivîsandin ji aliyê helbestvana Kurdistanî Kubar Hawar.

Ev pirtûka wê ya dûyem e ji weşanên Şilêr e, pirtûk ji 130 rûpelî pêktê, bêgûman ku ev mijar dewlemend e bi raman û şîrovekirinê ji pêşî bi nîşana Sîmirbaz ve destpê…