Di ser wefata Helbestkaré Neteweyî Cegerxwîn re 24 sal bihurîn.
Me nevî û mîratxurén Baba Tahir, Xanî, Koyî û Nalbend… 24 sal berî niha di 22 é heyva 10é de Seydayé xwe, Cegerxwîné Kurd û Kurdistané wenda kir.
Wî, bi 10 dîwan û dutaq berhemén li dû xwe hiştî, di dilé gelé kurd û di qada Wéjeya Kurdî de cihé nemirtiyé di nava qoré nemiran de weqetand.
Em qelamdarén li dû navén nemiran, peyrewén ziman û wéje û çanda bi qasî qewmé xwe qedîm; nivîskarén ku héz û hemata xwe ji mîrateya xwe ya wéjeyî û zimané xwe werdigirin û her roj berhemeke edebî péşkeşî wéjeya kurdî û ya gerdûné dikin, bawer dikin ku bi afirîneriya xwe ya wejeyî-hûnerî dé bergehén nû wekin di asoya wéjeya kurdî û pé re di ya gerdûné de.
Bi vé bahweriyé; di 24.emîn salvegera wefata Cegerxwîné nemir de, em bi dilekî şa, bi eniyeke berz sersaxiyé didin malbata Cegerxwîné nemîr û her weha gelé kurd, helbestkar û nivîskar û hunermendén Kurdistané, û Wî bi réz û siyanet yad dikin.
Komeleya Nivîskarén Kurd- Amed
Desteya Réveber
23/10/2008/Amede
