GIRÎ YÊ BA

XEMGÎN Ê REMO

Şeve û ba digrî …

Dengvedana dîlana baranê
Li banî
Cîhanek sîtavî ye …
Dilê min
Çûkê di hêlînê de
Xewnê bi buhareke geş dibîne
Ku newroz nêzîke
Yar bîke
Û sirûdên şahî yê

Wê bibin xunavî …
Tenha ez û şev
Şeve … û ba digrî
Lorîna vî bayî
Bilûra siba ye
Sitranek ji zarê keçika ye
Mîna kêreke tûj
Kezeba min dalêse
Him tirse , him şahî ye
Bi karwanê şahî  yê re
Ez difirim
Û bi yê tirsê re
Her dibezim
Şevek ji şevan hilweşîya ye …

Şeve û ba digrî ….
Di vê şevê de
Ez berba dibim
Li ser pişta hespekî boz
Di binê tûrikê min de
Çend helbest û gurzeke gul
Lorka , ji binê konekî qereçî yan
Bi gîtarek kevnar
Û awazek birîndar
Bangî min dike :
Lawko …!!
Rê dûr û dirêje …
Wer dagere
Çend piyalên sor-meyê
Ji destê zerî yan
Bi ser devê xwe de birêje …

Û çavên Maryana
Du fincan hingiv tên bîra min
Bêhna yasmîneke şamî
Buharek serbixwe ye
Ez mestim , sergerdanim
Di vê şevê de perîşanim
Geh dikenim
Geh digrîm
Şevek ne wekî şeva ye
Ba digrî
Û baran dîlan dike ….

Xemgin-61@hotmail.com

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ez bi tenê rawestiyame,

Çemek ji ramanan,

Wêneyên ji sîberê di nav tevnê de,

Vedeng bêhingivtin.

Deng bi çirpekî xwe dişêlînin,

Henaseyek ji nostaljiyê,

Ronahîyek dişkê,

Xeyalên hilweşiyayî.

Bazin dizivirin,

lîstika demê,

dilopek dibare,

deng belav dibin.

Ta…

بێوارحسێن زێباری، هه‌ولێر

ئه‌گه‌ر ئه‌م ل سه‌ر ناسنامه‌ و گه‌لێ كورد ڕاوه‌ستین، دێ ئێكسه‌ر هزر و بیرێن مه‌ دێ بۆ وان شۆڕه‌ش و سه‌رهه‌ڵدانێن گه‌لێ كورد چن ئه‌وێن وان ئه‌نجام دایێ د قویناغێن جۆدا جۆدا دا بووینه‌ مایه‌ی ده‌ستكه‌فتن و ئه‌گه‌رێن هندێ كو كورد ببن خودان بڕیار و ده‌ستكه‌فێن زێده‌تر و…

Tengezar Marînî
Mirov hene, dema tûşî nexweşiyekê dibin,
pir kes û mirov bi wan diêşin, sedem jî ev in: an di nav civakê û di qada pê ve mijûl bi xeml û rewş dikin, an jî xwedan temen hindik û pichûk in û mirov dua dike, ku xwedê wan bi selamet bike. Mizgîn xweda evan herdû xesletan…

Konê Reş

Dr. Ehmed Nafiz Beg, yek bû ji wan têkoşer û welatparêzên kurd yên ku navê wan tucarî nayê jibîrkirin, bi taybetî di nav kurdên Cizîrê de. Ji ber ku ew ji yên pêşîn bû di warê dermankirina xelkê Cizîrê de.

Ew kurê welatparêzê kurd (Yusif Begê…