Xemgînê RemoDiyarî bo hevalê min Arşev Oskan
Ez hîn jî
Wan şiva-rêkên pî bi gul
Heroj hemîya di pîvim
Ji Kepez ta Gola gulê …
Ey kîvroşka ji nêçîra dil revî
Û li deşta Sirûcê wenda bû
Ez dilvan bûm
Ne nêçîrvan bûm …
Gava evîn dibe kul
Û awazên dil dengê bilbil
Ji xwe wê keser bimîne gul
Û şandekê keserê min
Li ber ba yê kur
Xezalokê payîzî ne
Li dûv koça te dibezin
Ha li vir û ha li wir …
Û awazên dil dengê bilbil
Ji xwe wê keser bimîne gul
Û şandekê keserê min
Li ber ba yê kur
Xezalokê payîzî ne
Li dûv koça te dibezin
Ha li vir û ha li wir …
Axx ..cûdahî ya evînê
Jînê pişta xwe daye min
Dar-bihîvên li dor birkê
Dilberê va dîsa gul dane …
Dêlyên tirî
Di gel wana şax berdane …
Û arê tenûra te hilor nebû
Ku dîsa nanê dilê min bisoje
Ezê tacên kulîlka
Vêva ji kêre bihûnim ?
Li bin wê dara civîna
Bi kêre rûnim ?
Û ezê çi navî li hîvê bikim
Ku hîv û sitêr bi tere çûne …?
Şîrove (0)