Maniyêl Broka Ji Xwîna Husametîn Bahçe re.
Ji dema ku xwedawendên hişmendiya te, xwe di nava te de dilivand in!
Ji wexta ku baweriyên rêberiya baroveyên viyanên te, xwe li bin guhên çepêrên dudilyên dubarekirî dixistin!
Edî helçûnên xwînê, xwe di astan de, hejmarên yekem bidest dixistin.
Edî asoyên baweriya min, û dengvedanên guman û biryarstandinên te, nikarin serhişkiya xwe, di panavên cegerdariya me, doza me, cangoriyên me û di temen xwîna me de bişopînin..
Edî arîşanên dozê, bi bijîvaniyên xwînên ku berz dibin, cenga radestiyê ji qada dozê re terxan dike.
De ka 48 keserên nava xwîna xwe, bi wan wêneyên baweriya xwe, bînahiya xwe bi me ve parveke!
De ka 48 reseniya keda xwe, di hişmendiya xwînê de, di berhevdanan de, di nazdariya serpereştiya efsûnbaziya xwe de, ji ezmûnên pêşerojê re alîkar be, û tabloyên çapkirina kesayetiya xwe, di gelek çaçoveyên ku ez û tu û yên din dizanin raxîne!!
Husametîn can! Va tu pêrgî hindek ji wan derdên xwe dibî!
Erê ku derdên viyana xwînê tev wisa hesan bûna, êdî min dê rexek ji wan rexên nav xwîna xwe, ji berhevkirin, ji destnişankirina takekesane û ji piştevanî û hevbendiya xwîna me re, li ser pişta balindeyekî xêrxwaz kiriba û hindek ji wê nixavtina kevnare, bidaye xatirê vê Nîsana te!
Vaye ciwariya xwîna me li hev mukur tê, lewma rêkeftina hêviyên xwe, di vê xirecira mebesta xwe de, daçikandî bihêle!!
Zanibe ku agahiyên ku te di hestên ronîkirinê de bercest kiribûn, wê astên şûnşopan di wan xanxankên bûneweriya te de, di dilopa xwîna hewildana te de, di berpêşkirin û hîdayên baweriya perestgeha te î taybet de, xwedî radeyên dilovan bin!
Zanibe ku tu dê berûvajiyê ji zemîna wê dûr bixî!
Zanîbe ku tu dê ciwariya serdest û bindestan ji hev bela bikî!
Dîsa jî bizanibe ku ciwariya xwîna resen, bi wan xewnên afrêner, şanaziyên xwe bi wê bejnên resen yên mîna te dikin!
Bi wê hêviya xwe ku min zeft kiriye.
Bi wê xwîna ku te zelal kiriye,
danasînên Nîsanên te, wê di pêngavên bîranînan de,
di berhevdanên tirsnak de,
di lixwemukurhatin û pileyên cankêşiyan de,
wê bibe hemrêyên hizirên riya bidestxistina çirka sûdmend û me ber bi hevjînbûna Mizgeft, Laliş û dêranan de serber bike û têr ji nimûneyên xwîna te be û berdest be!!
Çend wateyan radestî mebestekê dikim,.
Çend henasan radestî giyanekî dikim.
Çend hetavan diryarî bûneweriyan dikim.
Çend xwînan diyarî jiyanê dikim û wan tevan diyarî destpêka xwîna ku tu pê bawer î û nabe av, dikim…
Maniyêl Broka
Cegersoz@hotmail.de
