Kamran Simo HedilîLi peyî te
kanî û rûbar
ziwa bûn
hest gêj
daxwaz mandû bûn
dil
çûkê serxweş e
bask tu yî
serhildana ewran e
rondik şîn û reş dibarin
roj
di bin kirasê şevê de
di bin kirasê şevê de
reng
di êşa kulîlkên hinarê de
hêvî
di asoyê dûr de dinalin
dîrok
têkçûnên me
ji çeperekî
dibe çeperê din
ji serkeftinan pirtir
giyan
di pîroziya Dîcle û Firat de tî me
çavên
firîna şadiya min
windane îro
min
dîlana jiyanê
da baskên çûkên biharê
te
termê evînê
bi hêstirên min şoşt
jana têkçûnê
di dilê min û xwe de hişt
31.03.2008
