N.Beyro
Welatê min çi xemgînî
Li ser te ax û fîxane
Sirûdek bê dil û jînî
Vedenga wargiha jana
Şemal û finde bajaran
Dikir ronî sedê salan
Di reş tarî de tu mayî
Siya poşî ji wêrane
Xwerist şînî çi pir şengî
Tu navdara xudan dengî
Di bakir ma heya kengî
Fîxan û qîr û halane
Çiya û deşt û zozanî
Şikêr û bax û bistanî
Sulfa û avser û kanî
Mixabin bê xwedî mane
Çi pîrozî lê bindestî
Li ser lêvan çi xweş ristî
Xwedawendan ne parastî
Tu maî nav pîl û fermane
Beyar û gund û bajarî
Kulîlk û lal û gulzarî
Feraşîn û ber û darî
Ji xelkêre neçar mane
Buha xakî perîşanî
Bi zîv û zêr û samanî
Cî û warê bê waranî
Ji nandozanre seyrane
Sila yezdan li ser rêj bû
Wekî mestan dîn û gêj bû
Ji lew şev tari dirêj bû
Şeveq nadê li ezmana
Çi nankore mirovê nû
Diya cûdî û nûhî tû
Kesek nadê ji bo te rû
Ji bo zarên xwe erzane
Tu xweş ristî li ser zarî
Ji bîrnaçê bi yek carî
Ji naçarî dikim çarî
Mi can îro bi qurbane
