Efrînyaza

 Brahîm Mehmûd

E,F,R,Î,N
Ev  çi kesên ku li jiyana xwe bûne bar?
Ku  ji mirovatiyê hatine xwar
Bi navekî  te xwe li ba dikin ” Șaxê zetûnê “

Way gidî
Ev çi bê xwedî
Ku êrîşî kurdayetiya te dikin
Ku pê xweliyê li serê xwe dikin
Bi hesinê xweyî gemar
Bi çekên xweyî har
Û tu bi navê xweyî kesk
Bi xwedayê xweyî kesk
Bi çiyayê xweyî kesk
Bi xaka xweyî kesk
Bi dîrokaxweyî kesk
Û bi pîroziya war
Bi hemî hest û helwest û kurdayetiya xweyî  şiyar
Wa Efrîna bi bejn û bal
Wa neynika gul û lal
Tu kînga lukimiye daku îro tu bilikumî?
Jiyana teyî wek deq
Mêrxasiya teyî wek deq
Nasnamateyî  mertal
Bayê teyî hişyar
Zetûnên teyî hişyar
Sînorê teyî hişiyar
Û tuyî li asîmanê heftan nayê xwar
De bela biqîrin
Bi gavên xweyî  bi sed jar
De bila te dorpêçkin
Lê te ji  jiyanê re xwe dayî
Ew bi mirna xwe dorpêçkirîne
Belê Efrîn
Wek tu mayî tu ayî
Bi navê jîn
De bikşîn
Efrînyaza
Bi vîna xweyî mizgîn
Belê Efrîn
Bila dijmin xwe rake
Bi gef û kîn
Tu ya destpêk
Tu ya dawîn
Tu yê jianek xweyî  pîroz
Bidestxîn
Duhok – 25-1l2018