Sîrwan Qiçço
Li wir…
Li zaboqên lal û
Kolanên fediyok em
Ji dayik bûn!
Li pêş deriyê dibistanê
Gava ku rok hil dibû.
Gava ku sirûdên bayê
Kur, çend stiranên rojava
Li guhên me dipêçan..
Li wir…
Li ser dengê sibehê,
Hestên me kom dibûn û
Çirvîtkên dînbûnê
Har dibûn.
Kerweanên rojê li pey
Cenazeyên laşên me
Şîn dibûn.
Tirsa rojeke dirêj
Weke nivişteke sûndê bû..
Gotinên teze di maka
Xwe binax dibûn û
Gotinên zuha li ser maseyên şevê
Dibişkivîn!
Li wir…
Wir dihate bîra min
Ligel rengê xakî û
Çend tiştên din.
Kur, çend stiranên rojava
Li guhên me dipêçan..
Li wir…
Li ser dengê sibehê,
Hestên me kom dibûn û
Çirvîtkên dînbûnê
Har dibûn.
Kerweanên rojê li pey
Cenazeyên laşên me
Şîn dibûn.
Tirsa rojeke dirêj
Weke nivişteke sûndê bû..
Gotinên teze di maka
Xwe binax dibûn û
Gotinên zuha li ser maseyên şevê
Dibişkivîn!
Li wir…
Wir dihate bîra min
Ligel rengê xakî û
Çend tiştên din.
Zavistana Washington
Şîrove (0)