Ciwan Dêrikî
Remezan Bavê Mihso mirovekî welatparêz , kedkar , têkoşer û kurd perwer bû , jiyana xwe û zarokên xwe bi keda milê xwe dibûrand , karkerekî bi semax bû , paleyek dilşewat bû , girêdayî axa welat bû . ji despêka tevgera azadiya Kurdistan a hemdem ew pêre jiyandibû , girêdayî doza pakrewan û gerîlayan bû ,girêdayî bîr û ramanê rêber Apo bû , bi wê xizaniya xwe ve jî . . xwe ji tu kar û çalakiyan ne diveda , herdem li rêzên pêş bû . bi rastî milîsekî çalak û nirxparêz bû , hevalên wî . . bê ojdaniyê derbarê wî de nakin , di nava gelek bûyer û livbaziyên zor û dijwar de cih digirt û ji mirinê ne ditirsa . . ta di çalakiyeka berûmirinê de navê xwe kiribû (Izraîl ) hewqasî bi evîneka mezin û heskirineka dijwar diçû ser erkên xwe .
Bavê mihso di sala 1958 an de hatiye jînê li gundê Girbalat li Dêrika Hemko , jiyanek biêş û zehmet kişand , bi keda destê xwe debara xwe dikir . tu karên zehmet neman ku têre derbas nebû , palehî , kolan , rahiştina baran , keraxî , kişandina çemento û qûmê . . . .hd .
Di bihara 2009 an de êşê xwe berda bû hinavên wî , digot ûrê min têşê , lê ji bo zarokên wî riswa nebin û wan serfiraz bihêle xwe ji kar dûr nekir u xebitî , di serê havînê de penceşêra malwêran lê zorkir ,piştî çend caran zikê wî vekirin û neştervanî lê kirin , piştî sê mehan berxwedana wî ya bi êşê re , roja 24 9 2009 an berêvarî jiyana xwe ji dest da .
Mixabin ku dema îro kêmin yên nirx û rûmetan didin mirovên welatperwer , di beşdariya konê sersaxiya wî de , weke mirovekî atax û ajan jî xelk ê serdan ne dikir , gazind ji dost û hevalên wî ye , ka çima lê xwedî derneketin . mirovekî hewqas ked dayî , di zor û zahmetiyan de li pêş bû , ta dawiya jiyana xwe jî girêdayî nirx û rûmetên gel û şoreşa azadiyê bû , kurê vê axa berxwedêr bû , û ma li ser soza xwe heya dawiyê .
Bila serê hemî mirovên welatparêz û dilpak sax be , serê zarûk û malbata wî sax be .
Çendî ev çerx vajî û seqet here , çendî rûreş û rûkirêt bajon ser nirx û têgehên pîroz , ala rastiyê wê biheje li jor , û mirovên birûmet wê bimînin nîsan û nimûne .
25 9 2009 Dêrka Hemko
