Mîxî bi min şewq da
Ji berî hîroglofî
Li ser sîngê latên Kurdoyalî
Mîna rojê diyar
im
Awaza bilûrên perestgehan
Ne tenê
Li ser mora Tîşopê rojperest
Zimanê Avista..
Berî wê jî
Yê bapîrê Birasoz
Yekcar pîroz im
Ne tenê keseke
Qamîş…
Perên tilûran…
Pênûsên xwedêwendan jî
Min
mêjandin
Bi teşiya min hatin ristin
Ne tenê çîroka Mem û Zînê
Pir destan û evsane
Gilgamêş û Kela Dumdumê
bi min herikîn
Kaniyên nayabê
Ne tenê qewlê Zebûnî meksûr
Ax û av
Ba û agir jî bi min hatin gotin
Dîroknîgar û jiyan
im… ez
Stêrk hilat
Lawên min çem derbaz kirin
Hîrodos wergêr xwestin
Dilsozên rastiyê ne şaş bûn
Diyarî dan Meryemê
Bi min Yesûh li wê pîroz
kirin
Sînem mir..
Feqê Teyran bi min qîriya
Çavên Deysem rijandin
Wî bi min axîn kir
Pir şox û şeng bû yara Cezîrî
Wî bi min bang dikir… Dîlber
Şêrînê dêmên xwe diqepirandin
Sîyabend bi
min hawar dikir
Pir tîr hatin min… hîn jî
Kaniya dêrîniyê zidî mam
Spas ji gewremirovên kardo re
Celadet yek ji wan
Xwedîderkevin li hawara min
Ne tenê ziman…
Giyan û hebûna we me jî… ez.
