Di 7ê vê Tebaxê de, Nivîskar û Zimanzaê Kurd Arşek Baravî bû mêvanê bajarê Girkê Legê. Di destpêka şevbûhêrkê de, yek ji rêveberiya Girûpê bi xêrhatina Baravî kir, û hemi beşdaran, û ji beşdaran xwest ku bêhnek bê dengî li ser canê şehîdên Kurdistanê rawestin.Paşê gotina Girûpa Gulana çandî – û Girûpa Girkê Legê hat xwendin, û di gotinê de diyarkirina ku her dû Girûpa mizgîniya yekîtiyê didin beşdaran. Di pey re, kurte jiyan û berhemê Nivîskar Arşek Baravî hatin diyarkirin, êdî delîve dan Baravî ku mijara xwe ji beşdaran re bixwêne.
Baravî, berî ku mijara xwe bixwêne, şahî û kêfxweşiya xwe diyarkir ku îro mêvanê Bajarê Girkê Legê ye, pêre jî bi xêr hatina hemi beşdaran kir, û pîroziya yekîtiya her dû giropan jî kir, û hêviya sûdegirtinê ji vê şevbûhêrkê kir, ku wek beşdar û wek wî jî sûdayekê ji guftûgoyê û nerînên beşdaran wergire.
Êdî Baravî mijara xwe xwend, bi zimanekî xurû Kurdî, ku bû wek piroblemkê ji têgihêştinê re, ji aliyê beşdaran ve, ev problem diyar bû, di dema ku gelek pirs ji beşdaran hatin, ku ji Baravî xwestin, wateya çend peyvên kurdî ku biyanbûn li ser guhê beşdaran, êdî Baravî neçar bû ku bi zimanekî herêmî ji wan re wateya gelek peyv û hevokan ji beşdaran re şirove bike.
Di aliyê rêzmanî de jî Baravî bi awakî akadimî, li ser zimanê kurdî rawestiya, hin nêrîn bûn cihê dan û standinê, lewra carcaran, Baravî bi hers û dengbilindî bersiva hin beşdaran dida.
Di dawiya şevbhêrkê de, hemi beşdaran û rêveberiya Girûpê spasiya xwe ji Beravî re pêşkêşkirin, û hêviya serkeftinê jêre kirin di kar û xebata wî yî pîroz de.
