Vejîna KurdDi civaka me de axaftin û tevger li ser mafê jinan
xurt e, û ta rêjeyekê, jina Kurd roleke sereke û balkêş di civakê de lîstiye û di pir waran de kesayetiya xwe çespandiye,
bêguman ew jî cihê serbilindî û şanaziyê ye.
xurt e, û ta rêjeyekê, jina Kurd roleke sereke û balkêş di civakê de lîstiye û di pir waran de kesayetiya xwe çespandiye,
bêguman ew jî cihê serbilindî û şanaziyê ye.
Hin civatên mêran wateya ”jin“
bi jiyanê ve girêdan û
herweha ew pîroz dîtin,
hinan jî bi gotinên wek ”afret, xatûn, xan, xanim…..“ jin bi nav
kirin, lê tevlî wê jî, eger em jiyana jinê, û bi taybetî di hundir malê de,
bişopînin, emê bibînin ku gilî û gazincên jinan ji mêran gelekî zêde ne, û
herdem ew ji rewşa xwe ya bindest gilîkar in..
bi jiyanê ve girêdan û
herweha ew pîroz dîtin,
hinan jî bi gotinên wek ”afret, xatûn, xan, xanim…..“ jin bi nav
kirin, lê tevlî wê jî, eger em jiyana jinê, û bi taybetî di hundir malê de,
bişopînin, emê bibînin ku gilî û gazincên jinan ji mêran gelekî zêde ne, û
herdem ew ji rewşa xwe ya bindest gilîkar in..
Di rastiyê de derûn û kesayetiya mêran berhema bîrûbaweriyên civakê ne, û nerîna wan derbarê jinan rewişteke ku ji çûkaniyê de li ser perwerde bûne ye, û taybetmendiyeke civaka me heye, nemaze di nav refên xwendevan û rewşenbîran de ku ew pir dibêjin lê pir kêm dikin, kêmbaweriya wan bi beşdarbûna wan di tevgera azadîkirina civakê bi giştî û ya jinan bi taybetî de bandoreke neyînî li civakê bi tevahî dike, lewre di nav mêran de kesên mafnas, wek piştgirên jinan kêm in û ew di mafdanê de bê dad in, di civakê de durû û duber in, û bi hemû şêweyan astengiyan li pêş jinê çêdikin û hin caran, jin jî bi wan re dibin alîkar û ji pêşketinên jinê re dibin rêgir û rikber, lê di heman demê de, jin buhaya vê yekê dibin, jiyana wan bi karê malê, mezinkirina zarokan û razîkirina mêrê xwe derbas dibe, û hin caran mêr gefê li wan dikin û lê didin.
Belê.. rewşa jinan, bi taybetî li welatên şûndemayî, bi vî rengî ye, ne dûr e ku ew mêrê ku tundiyê li jinê dike û li mafên wê mikûr derdikeve yek ji wan piştgirên şoreşa azadiya jinê be, ne dûr e jî ku ew ji qatên rewşenbîr û siyasetmedarên ku bi diruşmên wekheviya jin û mêran rûyê partiyên xwe dixemilînin be.
Pir caran em rastî mêrekî tên ku xwe wek mirovekî zana û pêşketî dibîne û ji serkeftinên jinan re li çepikan dide, lê di hundir mala wî de jinek ji ber tîbûna azadiyê dinale, ango ew mêrê han, bi hezaran bend û qeydan di riya jin an keça xwe de datîne, nemaze ku jin zana û jîr be, berûvacî wê jî em kanin bêjin ku xurtbûn û jîrbûna jinê hevrikiyê bi mêr re peyda dikin nexesm ku ew mêr ji van salixdanan bê par be, bêguman ewê diltengiya xwe diyar bike û ji bo sînorkirin û sarkirina vîn û hêza jina xwe perdê derewan ji ser bîrûbaweriyên xwe yên rasteqîn rake û bi hemû şêweyan jinê bindest bike, ma gelo nerîna mêr ji jina zana û pêşketî re metirsî ye yan zikreşî û xîret e?!!
Desthilatî herdem setemkar e, û her mafekî li hember xwe difetisîne, bi ya me be jina zana û serkeftî ji mêr û civakê re parêzvan û alîgir e, divê rê li ber wê netên girtin ta ku civak pûç nebe.
* Rojnama Rewşen, hejmar (20)
