Mizgîn Hesko
Ber bi nihêniyê ve
Salek bi rêve diçe
Û salek ji nuh
Ber bi hebûnê ve
Kosteka nepenî
Û zincîra demê vediqetîne…
Çar werzên razber
Û ken û girî
Xweşî û nexweşî
Ron û tarî
Ji rûçikên nervînê.
Ne tu û ne jî ez
Parastine li mala jînê.
Û ken û girî
Xweşî û nexweşî
Ron û tarî
Ji rûçikên nervînê.
Ne tu û ne jî ez
Parastine li mala jînê.
Salek bi rojên xwe tije…
Hinara bi libên xwe gihiştî..!
Ji kû ve jan derbas dibe…?!
Ne feylesof gihiştin…!
Û ne jî tu, yan jî ez
Em ademîzadên dilbijok
Û hîna jî tênegihiştî…!
Ber bi tunebûnê ve
Salek bi rêya xwe de diçe
Û Ber bi hebûnê ve
Salek ji nuh
Pêkan tavêje
Û hîrehîra hêviyê
Hespên lêgeriyanê
Her û her
Sal û sal
Bi xewnên heyînê
Barkirîne…?!
30.12.2023
Şîrove (0)