Ferhad Şêxê
Ji Çilrojiya koçkirina kebaniya xwe Fehîma Hemo (Diya Awat), re dikim diyarî, Ji roja 20 adara 2011 an re
Şêrîna min!
Bi ciwanî, bi xortanî
Min tu xwedîkir;
Min tu anî..
Şêrîna min!
Bi rengê Ferhad û Şêrîn
Bi awaz, bi lîlan, bi dîlan
Min tu anî..
Li nav baxê gulistana
Min tu danî..
Bi ciwanî, bi xortanî
Min tu xwedîkir;
Min tu anî..
Şêrîna min!
Bi rengê Ferhad û Şêrîn
Bi awaz, bi lîlan, bi dîlan
Min tu anî..
Li nav baxê gulistana
Min tu danî..
Şêrîna min!
Gelk xaç û rê li pêşiya min
Hatin danîn,
Gelek kolan, kendal
Min hilanîn..
Weke bazek li zozana
Ji nav koma nêçîrvana
Min tu anî..
Gelk xaç û rê li pêşiya min
Hatin danîn,
Gelek kolan, kendal
Min hilanîn..
Weke bazek li zozana
Ji nav koma nêçîrvana
Min tu anî..
Lê ez çibkim şêrîna min!
îro tu dizanî;
Tu xayin bû,
Te ez hiştim perîşanî,
Li şûnwara te ez hiştim
Ber dîwara..
Te ez kirme kalekî heyştê salî
Bê zimanî..
Bi ahîn im, bi hewar im, bi qêrîn im
Şêrîna min..
îro tu dizanî;
Tu xayin bû,
Te ez hiştim perîşanî,
Li şûnwara te ez hiştim
Ber dîwara..
Te ez kirme kalekî heyştê salî
Bê zimanî..
Bi ahîn im, bi hewar im, bi qêrîn im
Şêrîna min..
Kulîlka min!
Delala dilê ciwaniya min, hevala min!
Di rojên teng û tarî de
Tu heval bû..
Çibkim îro ji te dûrim;
Bi axîn im, bi ahîn im, bi hewar im û
Bi qêrîn im..
Çibkim îro te ez hiştim li şûnwara?!
Dilopên hêstira dibarîn im
Bi erzanî
Qetîtkên xwînê dirjînim
Bi giranî
Ax û oft dighên Xwedanî,
Ji dizî ve kes nizanî..
Delala Min!
Lê ez çibkim, ez çawa kim;
Perîşan im, birîndar im..
Kulîlka min,
Te zû barkir bi erzanî..
Delala dilê ciwaniya min, hevala min!
Di rojên teng û tarî de
Tu heval bû..
Çibkim îro ji te dûrim;
Bi axîn im, bi ahîn im, bi hewar im û
Bi qêrîn im..
Çibkim îro te ez hiştim li şûnwara?!
Dilopên hêstira dibarîn im
Bi erzanî
Qetîtkên xwînê dirjînim
Bi giranî
Ax û oft dighên Xwedanî,
Ji dizî ve kes nizanî..
Delala Min!
Lê ez çibkim, ez çawa kim;
Perîşan im, birîndar im..
Kulîlka min,
Te zû barkir bi erzanî..
Qamişlo, 19.03.2011
Şîrove (0)