Ronî Elî
Bi baskên te …
Ezê dil,
ji nav aloza rûxandinê
hilgirim
Û li ser,
Dîwarên evîneke şêt
Dilekî xemyar
Vîneke bê soz
Vegrim
Û bihêlim
Bi baskên te …
Ezê tîra li ser pişta (HEDBAN)
Û mertala Dewrêşê Evdî
Wergirim
Da ji niviyên aştiyê re
Wek xelat
Rêkim
Û
Bişînim
Bi baskên te …
Ezê dergûşa Mihabadê
Di hembêza Qazî de
Ji Hewlêrê,
Amed û Qmişlokê re
Terxan kim
Û bi ala ku,
Rengê xwe da
Bipêçim
Û bineqşînim
Bi baskên te …
Ezê li ser (dilê kurdistanê)
Hêlankim
Û ji ava
Bîngolê
Zeviyên şewtî
Û çîçekên çilmisî
Di xemla kurdistanê de
Ji nû ve avdim
Û şakim
Bi baskên te yarê …
Ezê koça wêraniyê
Dawiyê lê bînim
Û bi dîlan û halan
Di nav şevên reş,
Û dîwarên sînorkirî de
Ahenga gerdenê li dar
Û bûka çav li rê
Li dar xim
Û bi kar xim
