January 14, 2024

Mizgin Hesko

Xirêniya werzan
Û keservedanek…!

Rêyên tikûvala
Û pêlên mendehoş
Şilo, pilo ne…
Pirtikên darbeniyên mişext…!

Spiyekî berfereh
Û şopên berbengê
Li siya xwe lukumî…!

Û Baran…
Firmêskên Xwedawendên tavê
Li mihraba spiyê berbelav
Li xameyê girtî xunavê
Û paş perdeyên tariyê
Şemal hil tên
Ji nêv dûman û sîtavê.

Xirêniya werzan
Û şevzivistan e..!

Mihrab…
Bi şînê asîmanî
Ji pûnijîna peyamberan
Keskîniyê lêvedan e.
Ya hûn dibînin
Mij û moran e
Û ya ez dibêjim:
Sews û…

Ereb Horê
Omîdên pêçayî
Bi sênc û sîma
Azadiya bingor
Derbirîna qedex e
Bi bizd û nêz
Hûnan û
Di kiloxan de
Êwirandin.
Siloganên bandor giran
Xemûr avête çavan.

Zehakan
Mejî mêtin û
Çinîn mêwê zeviya,
Berên tekûz
Avêtin guvşê
Kerifên, ji noşavê
Şahên dirava.
Cef û bizav
Noşîcan verêtin
Gewriya gayên gemşê.

Nêçîrvanên qazanca
Qirşên xistin
Tenişta balindeyên mit
Û ez dîtim
Kawik û sade.
Awir ji min vedan,
Di yek argûnê de,
Lodê pêstûriyê
Bişavtin.

Argûn hin bi hin
Bp pereng.
Alavê,
Ronî da şevê
Gewr e…

Ezîz Xemcivîn
Bêje bira bêje..
Evîndarê welatê gulberojê yî bibêje..
Destê xwe li destê sozê bide û bibêje:
Bêbextiya demê pir qirêj e..
Zimanê xwe şêrîntir bike û derdê me bêxwediyan birêje..
Kîn û zikreşiyê,
ewê rûpelê êdî bisoje,
Ji xeleka biratiyê xwe navêje..
Bibêje birayê dil bibêje..

Ji dîrokê netirse,
bila nama te bigihêje..
li hingûrê nelezîne,
êvarên azadiyê
şiyar bike û di guhê…