Ehmed Tahir
Dil ji min bir,şêrîn yarê
Dême sorê,reng hinarê
Pora zêrîn,çen bi xalê
Xecxecoka di buharê
Şêrîn yarê
Reng buharê
Dil ji min bir
Di vê salê
Sibhan rebê ev gul dayî
Rû ji rengê sipî sayî
Agir di dil wê dadayî
Şalê herîr mil badayî
Çem û kanî
Gula xanî
Dil ji min bir
Hêlîn danî
Find û çira di vê malê
Gul û nêrgiz pir delalê
Mi dil daye vê dildarê
Evîndarê di vê salê
Pir delalê
Gula malê
Dil ji min bir
Di vê salê
Evîn xweşe di jiyanê
Mîna gula di nîsanê
Mi dil da te şêrîn yarê
Ji dil rake tu vê janê
Stû mircanê
Dil û canê
Dil ji min bir
Mi tev danê.
24_4_2026
Şîrove (0)