Ebdilmecît Şêxo
Ji stêrên çavên
Hêva min
Ji kenînên stêrkên
Amedê
Mehabad
Duhokê û
Efrînê
Ez wêneya şêrekî pîdar
Bi tiliyên Xwedayê Evînê
Di nav herdu pîsîrên te de
Nîgar dikim
Dilê min bi dil re
Çavên min bi çavan re
Hestên min bi hestan re
Gulistanekê di hembêza
Dayikeke windayî de diçîne
Dîlbera min!
-1-
Dîlbera min !
Di bin siya dara henarê de
Di bin sersiya dara Zêtunê de
Di bin siya dara hejîrê de
Li ser lotka gira Endarê
Li rex gorna pêxember Horî
Li Laleşa Noranî
Li ber ronahiyên çavên
Zarokên penaber
Ezê ji te re destanên qehremaniyê
Bixwînim
Dîlbera min !
Asoyek keçînî
Xwe bi şermî li pişt
Mijekê veşartiye
Bi lorîna jinebiyeke koçber
Bi kovanên çûkên birîndar
Di asoya hembêza min de
Gangulîk dipişkuvin.
Stêran mebarîne dayê!
Min di bîbekên çavên te de
Gulek çand
-2-
Di rojên din de pelên wê
Ji min re bûye fîstanek
Stêran nebarîne Dayê!
Pişkojên jiyana min
Li ber hilmên te dîsan
Dipişkivin û dipişkivin .
Siba,siba
Ezê serê te bi ava helbestên
Cgerxwîn li ser zinarekî pîroz
Li ber şikefta Duderiyê bişom
Tu tenê ne dîgrî dayê!
Ezê ji te re siruda Ey Reqîb
Di zemawenda fireşteyên dilan de
Bixwînim
Tu tenê nedîgrî dayê !!!21
Tu tenê nedîgrî dayê !!!!.
Efrîn,21.03.2026
