Hozanê Girkundê
Efrîn xedenga di dilê welatê min
Ey bihna sînga bûharê
Dildara êşa zytûnê
Vaya dîsa berê min li te ye
Ez ê ji nûve te himbêz bikim
Û kela hez kirina xwe
Di sînga te de birjînim ez ê
Çavên xwe
bi xweşikbûna te kil bikim
Û destên xwe bi axa te
Bişom!
Ji nûve ez ê buxçika bîranîn vekim
Li bin sîya darên te
Ez ê kirasê bûkaniya te
Bi damarên giyanê xwe bidrûm
Û xewa xwe di nêva daristana
Porê te de bişkînim
Û hinasên xwe ji kenê dêmên te
Mişt bikim
Ez ê li deşta beyarên te
Sirûda hebûnê di guhê cangoriyan de
Bijenînim!
Li peravên çemên êvaran
Helbesta vegerê ji kêfate re birêsim
Ala kesik û sor û zer
Bi ser bedena çiyayên te
Dakim
Ez ê tevna êşên xwe li xew xana
Dîrokê raxîn
( Hezar (nelet
Di rûyê mirovahiyê de
Birjînim
Ez ê ji nûve bibim evdalê te li ber
Dengê baranê
Û …. Sitirana Efrîna berxwedêr
Ez ê çîroka te bi ximavya hestên
Birîndar binivîsînin
Ez ê şemalên mizgîniyê di pencera
Hêviyan de vêxînim
Li ber kavilên dîwarên te bûhareke nû vejînim
______________________________________________
9 _ 3 _ 2026
