Baso kurdaxi
Li ser ciwanên têkoşînê
Ku bê xatirxwestin bardikin
Ey kurê welatê bêkes
Bi barkirna te
Hêsir di çav û dil xemgîn bûne
Bi barkirina te ezman reş bûye
Bahoz dibare
Kevir û koç dinalin
Ey stranbêjê welatê zeytûnan
Ey hunermendê gelê belengaz
Te ji bo azadî û aşitiyê stran vedijandin
Ji bo dîrok çîroka welêt me ji nûde binivîse
Axaftina te evîn û tovê zeytûnê ye
Her peyvek te di nivîsand
Ji bo vejandina giyanê westiyayî bû
Bi perrên Maman te nivîsandi bû
Her awazeke te
ji bo rûmeta Efrînê û xelkê wê bû
Lê birîna milet qbaş nebû û nehatehev
Ey bilbilê çiyayê Hewar
Tanbur te sêwî ma
Te ew bazî xweş û yekane ji bo kê hiştî
. Û têlên axaftinê yên rastî û hêviyê
Ji bo kê….
Ey bazê azad
Dengê te yê bedewiya xemgîn û zelal Zxînên şevan bû
Û gotinên te giyanê mirov lihev dida
Te barkir û êş kûr kir
Lê dengê te yê xweş di guhên me de ye
Şahidê serdema durûtiyê bimîne.
Raze stranbêjo raze li mala xwe tu mêvanî
Dengê daholan û tembûran ji dûr ve têt
Dengê têlan ewran hembêz dike
Carekê serê xwe rake û bibîne
Şiyar bibe bira te evîn çandiye
Li nêrgizên qeraxên çemê Efrîn binêre
Yên ku te dilê ciwanan de çandiye
Ku armanca te bû
Dilnigeran nebe destvala te barnekir
Keç û xortan soz daye
Darên zeytûnê biçînin
Da dîse zindî bibî lo Ciwano
Raze Cano dibin darên zeytûnê de raze
kurê welatê min raze
29.05.2025
