Gîlbert Zaza
Werger ji Fransî: Xurşîd Ilêwî
Mêrikê esmer yê ku xew kiriye
Mijang mîna perwanekê raxistî ne.
Dest ber xewnê ve dirêjkirî ye.
Zarokekî bêje hema boz bû
Bi darên Hejîr û tiwan ve hildiperkî
Geh peya û geh li ser pişta Bozo*
Mêrikê esmer yê ku bêrawestan dibezî
Zarokekî bêje hema boz bû
Di nav berfê de digindirî
Ne ji bahozê û ne jî ji guran ditirsî.
Mêrikê esmer ku hemberî kûlîkekê
Yan balindekî digernijî
Qamçî, tif û feleqe di dibistane de
ji destê bira Hinrî dixwarin
çi li dibistanê û çi li zindanê.
Bêyî ku çavê wî bişke.
Mêrikê esmer yê ku
ez jê hez dikim
zarokekî ku hema boz bû
bi deştan diket
Bêhawa li kulîlkên
şîn digeriya
