Helbest: Birahîm Mehmûd
Wergerandin: Ezîz Xemcivîn
Min got: Asman
Wê got: Xak
Ew pîvana di navbera dengê min û dengê min de ye
Di navbera zar û zimanê min de ye
Di navbera xwîn û ava min de ye
Di navbera nexşe û sînorê min de ye
Di navbera ling û pêngava min de ye
Di navbera nav û rûyê min de ye
Di navbera sariya xaka ko ez li ser wê
û sermaya asmanê ko ez bivênevê bi navê wî dixwînim
di navbera min û pîvana li ser me pêk hatiye…
……….
Min got: Te dît?
Wê got: Bê çav im!
Min got: Te bihîst?
Wê got: Nabihîzim!
Min got: Te bêhn kir?
Wê got: Bê bêvil im!
Min got: Tu hest bûyî?
Wê got: Ez bê hest im!
Min got: Va ye tu tu yî, kanî tu?
Wê got: Ah va me ez û ne va me ez!
Û ez bi hilgirtina hestiyên xwe ên bê tevn hest kirim…
…………
Min got:Wêneyê xwe bide min
Wê got: Rûyê min nîn e!
Min got: Navê xwe bide min
Wê got: Navîşka min nîn e!
Min got: Destpelînekê ji xwe bide min
Wê got: Bê çerm im!
Min got: Dilê xwe bide min
Wê got: Bê rêbuhêrkeka ewle me!
Min got: Dengê xwe bide min
Wê got: Bê zengelor im!
Min got: Qêrîna xwe bide min
Wê got: Bê sîber im!
Min got: Destê xwe bide min
Wê got: Bê tilî me!
Û bi zikxişkê ve çûm, ez zemînê bi sosretên wê ve ezmûne dikim…
……..
Min got: Ev pirtûka min e
Wê got: Ka navê te?
Min got: Ev asmanê min e
Wê got: Ka asoyê te?
Min got: Ev gemiya min e
Wê got: Ka deryaya te?
Min got: Ev stêra min e
Wê got: Ka burcê te?
Min got: Ev kaniya min e
Wê got: ka çemê te?
Min got: Ev muzîka min e
Wê got: Ka amûra te?
Min got: Ev der warê min e
Wê got: Ka nîşanên te?
Min got: Ev bavîtiya min e?
Wê got: Kanî dola te?
Min got: Ev rojnameya min e
Wê got: Ka zimanê te?
Min got: Ev hevrêya min e
Wê got: Ka nijada te?
Min got: Ev sibeha min e
Wê got: Ka hetava te?
Û min qîrîn kir û min dengê xwe ne bihîst!
12.02.2025
Şîrove (0)