Hejmara (25) a Kovara Şermola Derket

Hejmara (25) a kovara Şermola ya wêjeyî û çandî ku bi zimanê kurdî û erebî tê weşandin, derket.

Dosyaya vê hejmarê “Di Sûriyeya Nû de; Çand û Wêje” ye , li ser vê mijarê çend nivîskar û rewşenbîr nêrînên xwe anîn ziman..

ji pêşekiya hejmarê: Mijara din a ku divê were tekezkirin, realîteya wêje û çandê di Sûriyeya nû de ye (piştî rejîma Baasê), ji ber ku pêvajoya ji nû ve avakirina sektora çandî pêwîstiya wê bi erêkirina destûrî heye, wek ku me li jor behs kir, azadiya etnîkî û civakên xwecihî ji bo bikaranîna mafên xwe yên çandî û zimanî. Ev şertê bingehîn e ji bo bidestxistina ronesanseke berfireh a wêjeyî û çandî li Sûriyeyê ye.

Ji mafê gelê Sûriyeyê ye ku çandên hemû pêkhate û etnîkan binasin, ji aliyê çandî ve sûdê ji hev werbigirin. Yanî kurdek dikare zimanê xwe yê dayikê fêr bibe û di heman demê de fêrî zimanê erebî û suryanî jî bibe, her wiha erebek li kêleka erebî fêrî kurdî û suryanî jî bibe û hwd. Hemû gelê Sûriyeyê beşdarî şahî, şînî û cejnên hev bibin. Ji ber vê yekê divê cejna neteweyî ya Keurdan (Newroz), cejna neteweyî ya Suryan û Keldaniyan (Akîtu) û cejnên olî yên Xiristiyan, Êzidî û mezhebên din bi awayekî fermî bên qebûlkirin. Xwedayê mezin bang li me kiriye ku em weke gel û civakên dinyayê hev nas bikin, bi hev re bijîn û şer û pevçûnan red bikin. Îcar em wek mirov çawa dikarin guh nedin vê bangê?!!!

Tevgera wêjeyî û çandî pêwîstiya wê bi ji nû ve sazkirinê heye, da ku hemû zarokên vî welatî, bi hemû pêkhate û neteweyên xwe ve di avakirinê de beşdar bin, her wisa divê mîrasa çandî, hunerî û wêjeyî ya devkî û madî were parastin, ji ber ku ew malê şaristaniya mirovî ya Sûriyeyê ye. Pêdivî ye ku azadiya weşana wêjeyî hebe, bi şertê ku ew bi exlaqên giştî re nakok nebe û zererê negihîne civakên herêmî. Yekîtî û komeleyên wêjeyî û çandî, mîna Yekîtiya Nivîskaran, Yekîtiya Weşangeran, Yekîtiya Hunermendan û Sendîkaya Rojnamegeran, divê saziyên neteweyî yên berfireh bin ku endamên tu civak û mezhebekê li şûn xwe nehêlin”.

Her wiha di hejmarê de çend nivîsên wêjeyî û çandî ku ji aliyê nivîskarên Rojavayê Kurdistanê ve hatine nivîsîn, hene.

Hejmara (25) a kovara Şermola 142 rûpel in, bi kurdî û erebî hatiye çapkirin.

Di beşa kurdî de ev berhem hene:

pêşekî

– Di Sûriyeya Nû de; Çand û Wêje .. (Desteya Sernivîskariyê)

Dosyaya Hejmarê (Di Sûriyeya Nû de; Çand û Wêje)

– Mafê Perwerdeya bi Zimanê Dayikê.. (Peyman Bêrî)

– Têgihiştina Yasayî ya Mafê.. Xwebiryardana Çarenûsê û Doza Kurdî.. (Berzo Mehmûd)

– Gotara Kîn û Tundeweriyê.. (Beşîr Mele Newaf)

Hevpeyvîna Hejmarê

– Li gel hevserokê yekîtiya rewşenbîrên kantona Cizîrê “Ebûdê Mexso” ye (Hevpeyvîner: Aram Hesen)

Lêkolîn

– Ji helbestên Melayê Cizîrî: DIL JI ‘ILACÊ KU BI DERKET .. (Diyar Bohtî)

Jin û Çand

– Jina Rewşenbîr di Sûriyeya Nû de .. ( Diyala Elî

– Ronesansa Jinê li Dar e .. (Leyla Ebdo)

Pirtûk

-Nirxandinek der barê romana Evîna Zarokên Bêwelat .. (Lokman Polat)

– Pirtûkên Derketî.. (Desteya Sernivîskarîyê)

Çîrok

– Destê Jêkirî.. (Fatma Murad)

Helbest

– RÊ.. (Aras Qasim)

– Sêrebenda Dêrîn.. (Ayfer Yildiztan)

شارك المقال :

Leave a Reply

Your email address will not be published. Required fields are marked *

اقرأ أيضاً ...

Qado Şêrîn

Ji bo kurd bêtir tarûmar, winda û tune nebin, tenê yek rê li pêşiya wan maye, ew jî dewletbûn e. Eger ji aniha û 20-30 salên bên kurd nebin xwedî dewlet, wê winda bibin, wê bêtir rastî hilweşandin û şikestinan bên, wê hêviya dewletbûnê lawaztir bibe, çimkî wê kurdperwer û…

Konê Reş

Wek ku eşkere ye ji şerê Çaldêranê/ 1514 ve, dest bi perçebûna Kurdistanê hatiye kirin.. Di pey Sykes Picotê/ 1916an de, Kurdistan bûye çar perçe.. Ji wê hingê ve Kurdistanî hewil didin ku Kurdistana xwe bikin yek perçe.. Tevî gelek berxwedan, serhildan û xwîn rijandinê.. Tevî banga Şêx Ehmedê…

Bavê Zozanê

Îro 07.09.2025 li almanyayê, bajarê Essen ê Yekîtiya giştî ya nivîskar û rojnamevanên Kurd li Sûriyê û Yekîtiya nivîskarên Kudistanê nûnertiya Europa simînareke bi rêk û pêk bo nivîskar Luqman Silêman lidar xistin bo emzekirina du pirtûkên wî yek jê Romana Qezerceb ê bû û ya din romana Siyamend û…

Zagros Osman

beşek ji siyasetmedarên kilasîk ê kurd, nemaze yên ku hişmendiya wan di salên 1960, 1970 û 1980an de çêbûye, hîn jî li ser ya xwe ne ku hişmendiya rabirdûyê dubare dikin, mîna ku çerxa demê li wê xalê rawestiya be. siyasetmedarên navbûrî bandora kûr a veguherînên dîrokî yên 35…