Helbest u Vidyo

Mihemedên kurdan bikujin

  Jan Dost

ji bo giyanên pak ên:
Mihemed Mehmûd Hisên
Mihemed Zekî Remedan
Mihemed Yehya Xelîl

gelo we li hev kiribû ku hûn bi yek navî şehîd bibin?
sibe newroz e! We bi ken û germiya dilên evîndaran ji hev re got  û mîna lehiyek agir herikîn kolanê
dayikên we digotin: Xwedê we biparêze lawo
xwedê li pişta we be
û hûn civiyan
li dora agir
li dora giyanên xwe yên vêketî
hûn bi hev re bûn li yek kolanê û bi yek navî
hûn ne Filistînî bûn ku Mıhemdbûna we  ya bi xwîn  ekranên dunyayê sor bike
hûn ne Mihemed Eldurre bûn ku celladên şamê  xwîna we   bibe bazarn
hûn kurd bûn û bı xwîna we agirê Newrozeke xwînîn bû
hûn kurd bûn   û soza we bi agir re
bi xwînê re
û bi goristana Hilêliyê re hebû
Newroz bû
di ferhenga Beesiyan da  cejna dayikan bû
û diva bû ku Beesî  diyariyekê ji dayikên we re pakêt bikın
ji xwîna we erzan tir nedît
ji giyanên we nêzîk tir nedît
lê na
hûnın mûmên vê Newrozê
û her Newrozên ku dê bên
hûnin yên ku dê kursiya riziyayî di bin gurên qesra Elmuhacirîn de  biherifînin
hûn her sê Mihemed bûn
û we yek soz dabû hev
di birînan de

di agir de bicivin

Ev gotar bikêr bû?

Nêrîna te ji bo başkirina naverokê alîkar e

0% ji xwendevanan ev gotar ecibandin
(0 nirxandin)

Şîrove (0)

Şîroveya xwe binivîse

Nivîsên din

Konferansê «Kurdên Qefqasyayê»

Ebdûlazîz QasimÎro Mamosta Hejar Şamil li ser malpera xwe nûçeyek weşand li ser lidarxistina konferansekî pir girîng yên Kurdên Qefqasyayê bi înîsiyatîfeke…

”Pênûsa Nû” hejmara 108an

Hejmara 108 ya ‘’Pênûsa Nû’’, Hejmareke tijı̂ nivı̂s û berhemên cûrbecûrin. Hûn dikarin gelek berheman di warê; Gotar û Nerı̂n, Ziman, Dı̂rok,…