Husên M. HebeşPirs
Carekê ji Gurekî pirsiyan
Çima diranên te wisa tûjin e?
Got:
Ji ber ku tenê bi Berxan diramin!
Aramiya ji tirsê
Di Çîrokê de
Gur li nav daristanê rastî keça kumsor tê
Wê ji rê dêxîne
Û di pişt re jî wê dadiqirtînê.
Bi vê çîroka pirr bi tirs
Herdu zarokên min bi aramî û bê tirs radizin!!
Xewnên berxan
“3” Berx li bin dareke sêvê razabûn
Di xewnên xwe de dîtin
Ku pelên daran hemû bûne lep û neynûk…
û sêv sor vedibriqin wek çavên Guran.
“3” Berx li bin dareke sêvê razabûn
Di xewnên xwe de dîtin
Ku pelên daran hemû bûne lep û neynûk…
û sêv sor vedibriqin wek çavên Guran.
Xewnên Guran û yên Berxan
Gava Gur radizin
Bê tirs di xewnên xwe de
Berxan digorin.
Gava bi tirs Berx radizin
Bê tirs Gur wan didizin.
Gava Gur û berxan rastî hevdû tên
Xewnên Guran sor dibin
Û yên Berxan zer dibin.
Gava berx û Guran dostaniya hev dikin
Nema xewnan bi hevdû dibînin.
Bizavên têkçûyî
digot:
Ez dixwazim GUR kedî bikim
Carek, du, sê…
û… pirr carên din
…………..
…………..
Lê GUR hemû berxên bizavên wî xwarin
Û kedî nebû
Kedî
Neeeebû!
Bonn 2007
