Bûyerên roja yekê ji heleqeya lêkolînî “ parastina ezmûna Herêma Kurdistanê û pirsgirêka asayişa neteweyî”

Îro, saet 15,30ê paş nîvro li sentera rewşenbîrî û komelayetî ya zankoya Selaheddînê li Hewlêra paytexta Herêma Kurdistana federe heleqeya lêkolînî ku ji aliyê Kombenda Kawa bo Çanda Kurdî ve tê lidarxistin bi sernavê “parastina ezmûna Herêma Kurdistanê û pirsgirêka asayişa neteweyî hate destpêkirin. Her sê mamostayan Prof.Seedî Berzencî-Kerxî Necmeddîn Altî Bermax- Dr.Mihemmed Bazyanî bi rêzê sêmînarên xwe pêşkêş kirin.
Di destpêkê de, Prof.Seedî Berzencî behsa yasayên nêvdewletî kir yên ku êrîşbirina ser Herêma Kurdistanê qedexe dikin, di nav de yasa û zagonên encûmena giştî ya ser bi NY-ê ve û Konseya Ewlekariya navnetewî. Berzencî da xuya kirin ku xaka herêmê girêdayî dewleta Îraqê ye. Her weha, amaje bi hindek xal û bendên makezagona Îraqê a federe kir ku di wan de parastina ax û serweriya Îraqê û di nav de Herêma Kurdistanê wekî erkekî serekî yê Hikûmeta Îraqê hatiye hesibandin. Berzencî got ku:“ Hikûmeta Îraqê pabend e ku sînorê herêma Kurdistanê biparêze ji ber ku herêm li gor benda 110-an ji destûra Îraqê a federe beşek ji dewleta Îraqê ye”.

Ji aliyê xwe de, birêz Kerxî Altî Bermax amaje bi rûniştina parlementoya Tirkî kir ya taybet bi operasyona derveyî sînor. Bermax nîşan bi wê yekê kir ku parlemento jêderê biriyardanê û derxistina yasayan e, ne ciyê erêkirina êrîş û operasyonên leşkerî ye! Her weha, wî behsa guherînên nû ji aliyê AKP-ê kir û hewildana bidawî anîna pirsgirêka PKK-ê li Tirkiyê wekî bingeha projeya wê a guherîn û pêşveçûnê. Di berdewamiya axaftina xwe de, birêz Kerxî anî zimên ku nakokî di navbera hikûmeta AKP-ê û artêşa Tirk de heye û ji bo ku AKP artêşê qayil bike dosiyaya PKK-ê xistiye pileya yekemîn a karûbarên xwe de, lê belê êrîşa çavrêkirî dê ne hewqas tund û bihêz be weke ku AKP-ê dide bawerkirinê, ji ber ku ew dê di encam de alîgirên xwe li hundirê Tirkiyayê winda bike.
.
Dr.Mihemmed Bazyanî li ser stratejiya Amerîkayê di navçê û Îraqê de û ciyê pirsgirêka Kurd di vê stratejiyê de, rawestiya. Wî got ku piraniya navendên lêkolînên stratejîk li DYA di wê baweriyê de ne ku dê di demek nêzîk de dewletek kurdî ava bibe. Dr.Mihemmed da xuyakirin ku hikûmeta Tirkiyayê baş bi vê rastiyê dizane, û heta jê tê hewil dide ev yeka pêk neyê anjî bi kêmanî eger pêkhat jî ji hemî faktorên dewletbûyînê bêpar be. Sedemê vê yekê jî li gor wî ew e ku desthilatdariya Tirkiyayê avabûna dewleteke kurdî li başûrê kurdistanê wekî tehdît û biveyek mezin dibîne, nemaze ku beşê here mezin ji Kurdistanê li Tirkiyê dikeve. Ji aliyekî din ve, Bazyanî bang li serokatiya Herêma Kurdistanê kir ji bo vekirina navendên lêkolînên stratejîk wekî ku li Amerîkayê û dewletên mezin heye, da ku ev navend rolekê di sazkirina biriyarên stratejîk de bilîzin. Di dawî de, birêz Bazyanî bi mixabinî got ku kêmasiyek berbiçav ji aliyê serokatiya herêm ve di vî warî de heye.
 
Ciyê amaje pê danê ye ku hijmarek mezin ji rewşenbîr û siyasetmedar û rojnameger û xwendevanan amade bûn û piştî bihnvedaneke kurt axaftivanan bersiva pirsên amadebûyan dan.
 
Bernameyê roja duyemîn:
ا
Duşemb 29/10/2007-Arêz Ebdella-Edhem Barzanî-Nûrî Ptros-Ebdulselam Berwarî.

    Komîteya Ragihandinê
Kombenda Kawa bo Çanda Kurdî            

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…