Helbest u Vidyo

ÇAVÊN GANDÊRE

  XEMGÎN Ê REMO

Ezê çi bikim
Ji van dilînîyan
Ku tim kiştî ya hezê min
Ber bi kişwera evîna te ve
Dajon ..?
Û rêça hevdîtinê
Alîk ave yek agire …
Piştî gelek çîya yên xwê û
Xwêdanê ber digire …
Ku simê hespê min

Hezar carî dilikume …
Tim siwarim di şevê de
Rêwî me di her rê de
Û badlîzokên vîna min
Ji hawîr de
Te dorpêç dikin
Gava çavên te yên gandêre
Dibin du gelawêj
Û gelî yê sînga te
Tenik ba yên şeva dixwaze
Hingê dilê min
Kozîyekî agire …

Şeva bûrî ne xewin bû
Lêvên min
Hevendekî birçî
Li buhara te diçêrîya
Û nema zanim
Ku xwêdana gerdena te
Şorav bû yan tîzav bû
Hinavê min diperitî …

Dojehek mêyane
Li kevî yê jînê min disoje
Û ez ar-perestim
Arê te çendî gûr be
Wê dilê min di nav destên te de
Xweş tembûr be …
De hinermendî ya xwe
Bo min pêşkêşke
Û awaza te jenî
Bila nerm û kûr be …

  Qamişlo / 19/6/2007/

Ev gotar bikêr bû?

Nêrîna te ji bo başkirina naverokê alîkar e

0% ji xwendevanan ev gotar ecibandin
(0 nirxandin)

Şîrove (0)

Şîroveya xwe binivîse

Nivîsên din

Konferansê «Kurdên Qefqasyayê»

Ebdûlazîz QasimÎro Mamosta Hejar Şamil li ser malpera xwe nûçeyek weşand li ser lidarxistina konferansekî pir girîng yên Kurdên Qefqasyayê bi înîsiyatîfeke…

”Pênûsa Nû” hejmara 108an

Hejmara 108 ya ‘’Pênûsa Nû’’, Hejmareke tijı̂ nivı̂s û berhemên cûrbecûrin. Hûn dikarin gelek berheman di warê; Gotar û Nerı̂n, Ziman, Dı̂rok,…