Lîsteya hevpeymaniya kurdistanî ji aliyê kurdan ve tê rexne kirin

Şêrwan Mela Ibrahîm

Li ser xwesteka Kombenda Kawa bo Çanda Kurdî dr.Ismayîl Şukur û birêz Ehlam Eseed endamên parlementoya Îraqî ku ji lîsta hevpeymaniya kurdistanî ne semînarek li ser rewşa parlementoya Îraqî û rola lîsta Kurdistanî di nav de li Hewlêra paytext, lidar xistin.
Di destpêkê de,  xanim Ehlam basa birêveçûna parlementoyê kir û da xuya kirin ku girûpa kurdistanî ta nuha jî berdewame di karê xweyî ku di ber pêkanîna xwestekên çarenivîsî yên kudî de, û danakevin ji wan soz biriyarên ku peyman li ser dane,  wekû federasiyon bo herêma kurdistan, pirsgirêka Kerkûkê…..htd,  û zorkirina endamên kurd li biriyarên çarenivîsî ku peywendî bi kurdan heye.

Û ji bo mesela rexneyên dawî ku li endamên lîsta kurdî tên kirin ji aliyê cemawerên  kurd ve,  xanim Ehlam da hişkerekirin  ku hindek “tembelî” li cem endamine kurd peyada bûye û ta ne beşdarî jî car carine çêdibe , lê beramberî van tiştan jî xanima Ehlam  got : Tevlî van kêmasiyan jî,  lîsta kurdî ya herî bi hêz û yekgirtî ye ji nav hemî lîstên dîtir, bo nimûne lîsta şîiyan (Îttîlaf ) niha beş-beş bûye ji alîkî ve şepêla –Sedrî- bi cîkî ve maye û beşên din bi nêrînên  din ve hatine girêdan û partiya (El-Fezîla) jî maye li cîkî û ev hemî sedem hiştin ku hêza vê lîstê lawaz bibe, û her weha Bereya Sunniyan jî carekê xwe vekişandiye û careke din hevbeşe yanjî  dijbere, û ev hemî sedem hiştin ku Sunnî seqamgîriya xwe li tu cihî nebînin.
Lê ev gotin bûne cihê rexneyekê ji bal nivîserekî amade  û ji xanim Ehlam re da xuyakirin ku serkeftina kurdan bi ser lîstên ereb de ne cihê şanaziyêye ji ber ev lîstên ha bê hebûnin û serkeftina li ser tiştên bê hebûn wateya xwe nîne ku tembeliya bi ser endamên kurd de hatiye dê bê guneh bike û kêmroliya wan bi ne piroblemî diyarbike.

Paşî dr.Îsmayîl Şukur şîrovekirineke giştî li ser rewşa parlementoyê û di nav de lîsta kurdistanî da diyarkirin, û liser piroblema nebûn û nebeşdariya alavên ragehandinên kurdî gelek ne razîbûna xwe da xuya kirin,  û her weha dezgehên ragehandina îraqî şermezarkir ku di dema belav kirina nûçeyên civînên parlementoyê de bi aweyekî ne serbixwe di weşênin û hemî li gorî îdiyolojiyên xwe belav dikin , lêbelê ev jî bo ciyê rexneyekê ji bal rojnamegerkî kurd ve hat gotin ku kadiroyên dezgehên ragehandina kurdî diraveke zor lawaz û kêm qizinc dikin, û jiber vê yekê rojnameger ne amedeye ku bi wan perê ku tenê karin wê sax bi hêlin biçe nav devereke ku kes nizanê di kîjan demê de operasiyoneke terorî bi qewime û renge canê wî jî ji dest here!.
 Li ser hevbeşiya kurdan di parlementoyê de,  dr.Şukur kire serbilindayî ku kurd di hemî komîteyên parlementoyê de cî digirin û xwe da wek mînakek ku ew bi xwe yek ji endamên komîteya diravî ye, lê ev tişt jî hate rexne kirin ji aliyê çalakvanekî kurd ve ku jêre got: ti çawa dibêjê em her endamekî di ciyê  xwe yê taybetmend de ne û bawernameya te ya doxtoriyê di dîrokê de ye û ti endamî di komîteya dirvî de!!!!

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…