Dildar Xemrevîn
Di destpêkê de ez spasiya Zaxoka delal dikim ku ez û hêja Ezîz Xemcivîn di himêza xwe de civandin û bû egerê hevdîtin û hevhimêzkirna me û her wiha bû dîdevana diyariya romana hêja ya bi navê (Zêro ) ji bo min ku bi destê helbestvan û nivîskarê hêja û bihagiran Ezîz Xemcivîn hatiye nivîsandin..
Roman di sala 2012 an de li bajarê Hesekê yê dikeve Rojavayê dil Rojavayê Kurdîstanê bidawî bûye û di sala 2019 an de li Weşanên Sersera hatiye çapkirin.
Bi rastî ez nizanim û nikarim çawa ez ê pesnê van hestên pak û gerim ku divê romanê de hatine nivîsîn bidim ji ber ditirsim ku ji derheqê wan de dernekevin, lewra ez pêşî lêborîna xwe ji hêja Ezîz Xemcivîn dixwazim ji bo herkêmasiykê ji aliyê nerînên xwe di derheqê romana ( Zêro ) de dixwazim.
Ev roman ji sê kesayetên taybet pêk hatiye, li gor ku hatiye nivisîn û ew jî ( Zêro, Darîn û Seydo) ne ji ber van hersê kesan rola sereke ya romanê standine û Zêro jî lehengê vê romanê ye ji ber roman jî bi navê xwe Zêro ye. Ev roman wê mîna keskesorê di asoyê asîmanê wêjeya Kurdî de cihê xwe bigire, ji ber romaneke dewlemend bi agahî û jêderên xwe, hem jî bi hest û nermiya xwe .
Di hin cihan de hûnê gelek bikenin û her wiha jî di hin cihan de hûnê gelek bigirîn di vê romanê de ji ber gelek caran hestê xweşî û ne xweşiyê tê de mîna derya û masiyan tevlîhev dibin.
Ez naxwazim zêde li ser naveroka wê de ji we re behs bikim ji bo yê ku heza xwendina wê li cem we zêdetir bibe, ji ber ku ez her tiştî jî tê de eşkere jî bikim nabe, lewra hêvî dikim ku di zûtirîn dem de hûn karibin evê romanê bixwînin û ji dest we neçe û bi taybetî ji bo xwendevanên me yên ku îro bi zimanê dayikê dixwînin, ew zimanê em ji axaftin û fêrkirina wî bêpar bûn.
Di dawiyê de ez silavên xwe ji hêja Ezîz Xemcivîn re dişînim û hevîdar im ku em ji hest û pênûsa wî tu caran bêpar nebin.Gelek spas
…
Zaxo
12.06.2024
