Ezîz Xemcivîn
Çirayeka êş ji canê te dirêsim..
Deftera tundûtûjiyê ji dîroka kirêt çi dibêje?
Li welatê te jî, kînxincera tundrewan xwînê dirêje!
Ho..
Piçûkê janê,
dilê nazik kê bêhna jiyanê ji sihikên girnijîna te birrî?
Havîna evîna te,
ji bo çi hetav li bejna xwe ne kiriye!
Zimanê ahîneka nû vebû,
destê çepel agirê cegerê dada ye!
Sêwiyên nesaz li kolanên aramiya we strî û kelemxar in..
Peya û koleyên “Reşkên Şevê û Pîretewtan”
her xakê çepel dikin!
Dilopên xwîna Pakrewanê dilsoziyê ji hebûna we diverişin!
Tundrewên nepak,
bi nepakiya xwe girnijîna xameya min dagîr dikin..
Ez dê çi ji bo mûmdana mirovîniyê binivîsînim,
gazindeya zuhakirina ximavê ji kê re binihwirînim?
Birîna peyvê kûr e,
çîrok pir dirêj û dûr e,
êşa ji evê êşê kambaxtir
Mêvankirêt kulîlkan berî guldankên aştiyê diçelpînin!
Sêwiyên nesaz li kolanên aramiya we strî û kelemxar in..
Peya û koleyên “Reşkên Şevê û Pîretewtan”
her xakê çepel dikin!
Dilopên xwîna Pakrewanê dilsoziyê ji hebûna we diverişin!
Tundrewên nepak,
bi nepakiya xwe girnijîna xameya min dagîr dikin..
Ez dê çi ji bo mûmdana mirovîniyê binivîsînim,
gazindeya zuhakirina ximavê ji kê re binihwirînim?
Birîna peyvê kûr e,
çîrok pir dirêj û dûr e,
êşa ji evê êşê kambaxtir
Mêvankirêt kulîlkan berî guldankên aştiyê diçelpînin!
04.06.2024
Têbînî: Ev efserê Elmanî Rouven L. (29salî) roja 02.06.2024 bi destê tundrewekî Efganî hate kujtin..
