Brahîm Mehmûd
welatê ku xwîna min bike av
min Kewsera wî navê
welatê ku dengê min neke
min zimanê wî navê
welatê ku li min nenêre
min asoya wî navê
welatê ku min bi nav neke
min dîroka wî navê
welatê ku min dike koleyê ayina xwe
min xwedayê wî navê
welatê ku roja min dike zilindar
min hinguvê wî navê
welatê ku min bi siya xwe girêdide
min serperştiya wî navê
welatê ku min bin çav dike
min azadiya wî navê
welatê ku banaga min tunedike
min roka wî navê
welatê ku xewna min aloz dike
min heyva wî navê
welatê ku dilê min birîn dike
min dermagehah wî navê
welatê ku balindê min basko dike
min bagisatana wî navê
welatê ku miya min ji xwe re didioşe
min çayira wî navê
welatê ku kevoka min girêdide
min dara wî navê
welatê ku xaka min ji xwe re bi nav dike
min berhemê wî navê
welatê ku kaniya min girik dike
min çemê wî navê
welatê ku bavê min zindan dike
min xwedîdiya wî navê
welatê ku diya min bêzar dike
min dilovaniya wî navê
welatê ku neviyê min ditirsîne
min dibistana wî navê
welatê ku xuşka min perîşan dike
min silav wî navê
welatê ku hevjîna min bin dest dike
min periyên buhişta wî navê
welatê ku bi min jî neyê naskirin
min ew welat bi carekê
navê
navê
na ..Na..
