DAXWIYANÎYA Kongirê 3 yem yê Yekîtiya Nivîskarên Kurdistana Suriya

 

Di 29ê tîrmeha salإشa 2023an de, li hola Efrîn li bajarê Qamişlo,Yekîtiya Nivîskarên Kurdistana Sûriya kongirê xwe yê sêyem bi amadebûna endamên li hindurê welat û bi beşdariya endamên herdu nûneratiyên li Kurdistan û Ewrupa di riya hevgihîniya Zoomê re lidar xist.
Kongir bi rawestana xuleyek bê deng li ser giyanên pakrewanên kurd û hemî pakrewanên azadî û pênûsên azad li gel sirûda netewî Ey reqîb û piştî hilbijartina komîteya birêvebir,kongir dest bi kar û barên xwe kir.
Qonaxa lidarxistina kongir qonaxek gelek nazik û hestiyar e ku gelê Kurd li hemî parçên Kurdistanê û li deverên dî jî tê re dibihûre, ji ber hewildanên rêjîmên herêmî li Sûriya, Îraq, Îran û Turkiya di jinavbirina gelê Kurd di warên konevanî û abûrî de hê jî berdewamin,bi ser ku birînên gelê Kurd ji tund û tûjiya Da`işê hîn ne daxemirtine û hêjî pîlanên ciyawaz û awarte di derheqê vî gelî de didomin, nemaze hewldanên çewisandina zimanê wî ku bi rengekî fermî di zanko û peymangehan de tê qedexekirin (Ji bilî herêma Kurdistana federal) ya ku îro destkeftineke netewî mezin tê nirixandin, ev ji bilî dijberiya bê hempa li hemberî vî gelê aştîxwaz ku tê bikaranîn, di encamê de bandorek neyînî li nivîs û weşanê dike.
Piştî bidestpêkirina karê kongir, serokê berê yê yekîtiyê mamoste Luqman Yûsif gotinek berfereh bi navê desteya birêvebir pêşkêşkir û tê de hemî çalakî, kar û xebatên herdu salên bihûrî destnîşankir û hemî zehmetî û astengiyên dibin rêgir rûbarî nivîskarê Kurd anîn ziman û daxwaza guhdanek awarte bi wêje û zimanê Kurdî bibe, her weha Yûsif anî ziman ku bi ser hemî astengiyan de Y.N.K.S bi dehên pirtûkên bi zimanê kurdî yên endamên yekîtiyê û yên serbixwe jî çapkirine, ji bilî kovara Pênûsa Azad ya werzî ku di dema xwe ya destnîşankirî de tê weşandin.
Endamên kongir bi berpirsyarî dan û sitandin li ser xalên girêdayî pêvajoya yekîtiyê û paşeroja wê kirin û giringiya pabendiya nivîskar bi doza gelê Kurd a netewî, nemaze di berhemdariya wêjeyî û çandî de, her weha guhdana bi pênûsên ciwanan .
Bi berferehî kongir reşnivîsa tozika hundirîn ya ku komîta asayî pêşkêşkir guftûgo kir û piştî biryar bi guhertina hin xalan da, komîteyek destnîşankir ji bo serastkirinê li gorî pêşniyarên endamên şax û nûneratiyan.
Di dawî de desteyek birêvebir nû ji bo qonaxa bê re hate hilbijartin ku wê di civata wê ya pêşî de serok û cîgirê wê bên hilbijartin.

Qamişlo
3.8.2023

YEKîTIYA NIVÎSKARÊN KURDISTANA SÛRIYA

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…