Lazgîn dêrûnî
Îşev li min mêhvan e yar
Rabim bikim ez kar û bar
Pêşwaziya cana kubar
Ew dîlbera ez bendewar
Mêhvan e ya rind û şepal
Ew mêkewa naz û delal
Ronahî kir xanî û mal
Wê rewş li min kire bihar
Ew mêkewa naz û delal
Ronahî kir xanî û mal
Wê rewş li min kire bihar
Rûnim li rex vê mehderê
Vêxim şemal û fenerê
Şûşa meyê deynim berê
Baqek binefş û gul `îzar
Noşim ji wan lêvên şirîn
Çêja helez û hingivîn
Em heq bidin eşq û evîn
Maçan li hevdû bikne par
Destûr ji wê gava mi xwest
Ez çûm tiwafê çap û rast
Tihna dilê min nû şikest
Kewser ji lêvan min vexwar
