Lazgîn dêrûnî
Bila hestê me tev gul bin
Ken û şadî ji nav dil bin
Wekî awazê bilbil bin
Besa barê me tev kul bin
Xem û kovan heta kengî
Bimînin em bi vî rengî
Jiyan xweş e bi dilşengî
Bila baxê me sorgul bin
Bimînin em bi vî rengî
Jiyan xweş e bi dilşengî
Bila baxê me sorgul bin
Ne kû em hatine jînê
Tenê ji bo xem û şîne
Vekin dergih li evînê
Besa çavên me tim şil bin
Li hember hev bi rûgeş bin
Bi peyvên nazik û xweş bin
Bi xêrxwazî û dilgeş bin
Bera şorên me kakil bin
Mirovatî û rêzdarî
Xebatkar bin bi dildarî
Vegerin em li wî warî
Bera ew war ne kavil bin
