M. Emîn Sadûn
Gelek dem û daxan, Ji ber kar û kiryarên bê serûber yên serkirdayetiya rêxistin û partiyên siyasî yên kurdî, û xemsarî û jibîrkirina wan kesan berjewendiyên giştî yên gelê kurd û mijûlbûna wan bi berjewendiyên xwe yên taybetî, dihêla ne tenê milet xwe ji wan rêxistinan dûr bike û baweriyê bi wan neyîne. Evê yekê dihişt; ku ew partî lawaz û seqet bibin, û mirovên zana û têgihişî ji nava wan birevin, û yên nezan û keysbaz xwe li wan bigirin û cihên xwe di nav wan de çêbikin. Ev yeke di pêvajoya xebata wan partiyan de dibû û eger gelek caran dengin cuda cuda derketbana û ew rewş red kirbana jî, ew hewldan dihatin beravêtîkirin û xwedanên wan di civakê de dihatin reşkirin û rê li pêşiya wan dihatin girtin.
Bi demê re û piştî şoreşa teknolojî ya kartêker û berbelav, gelek perdên reş hatin hilanîn û pêre jî gelek rûyên veşartî diyar bûn, têştên berê dihatin gotin û bihîstin, li ber çavan hatin dîtin û xuyakirin. Vê yekê pêleke dîtir ji dilsarî û reşbûnê bi xwe re anî û di civakê de cihgirt û xwesepand.
Wek tê xuyakirin Kar, kiryar û reftarên wan her tişta bi navê kurdîniyê li ber çavên mirovan reş kirin. Lê, çiqasî kurdînî di dilê mirovê kurd de reş kirin, têgehên pîroz sivik kirin, miletê kurd jî ew bêhtir nas kirin û xwe ji nava refên wan dûr kirin.
Ev rewşa xirab û wêran a rûdayî, encamên nebûna pirojeyekê berçav û sergihayî, di tevî waran de, warê rewşenbîrî, siyasî, abûrî,dîplomasî,rêxistinî, ragihandinî, civakî û leşkerî, ewê rewşê hişt ku ew rêxistin û partî bimînin lawaz, û di gerînekeke tarî û dûman de bijîn û erkên xwe yên serekî wenda bikin.dawiyê ev partî bêkêr û pîr bûn, û di nava nakokî û pevçûnan de kawî û bawî man û tovê wan nema kêrî çandinîyê hat û pêwîstî bi nûjenkirin û vejandinê zêde bû û daxwaza wê yekê jî bo xwesteka her mirovekê bîrewer û wefadar.
Ev rewşa xirab û wêran a rûdayî, encamên nebûna pirojeyekê berçav û sergihayî, di tevî waran de, warê rewşenbîrî, siyasî, abûrî,dîplomasî,rêxistinî, ragihandinî, civakî û leşkerî, ewê rewşê hişt ku ew rêxistin û partî bimînin lawaz, û di gerînekeke tarî û dûman de bijîn û erkên xwe yên serekî wenda bikin.dawiyê ev partî bêkêr û pîr bûn, û di nava nakokî û pevçûnan de kawî û bawî man û tovê wan nema kêrî çandinîyê hat û pêwîstî bi nûjenkirin û vejandinê zêde bû û daxwaza wê yekê jî bo xwesteka her mirovekê bîrewer û wefadar.
Şîrove (0)