Xalid Cemîl Mihemed
Ev sala nehem e ji karê min li Tora Medyayî ya Rûdawê. Bi saya vê dezgehê fêrî karê rasteqîne û pêşketî yê ragihandinê bûm. Her li Rûdawê jî, fêrî pabendbûna bi cîbicîkirina rênima û prensîpên medyayî bûm. Bi hemû dilsoziya xwe, di çarçoveya karînên xwe de, ligel hevkarên xwe yên din jî, bi alîkariya rêveberiya vê dezgehê, me hewl da û em hewl didin karekî pak û serkeftî bikin. Piştî van salan ji kar hest bi şanaziyê dikim ku Rûdaw ji bo min weke dibistanekê bû, di warê ragihandin, rojnamevanî û medyayî de. Helbet di nav kar de, egera hebûna şaştiyan jî heye. Li heman dezgehê jî min gelek rewşenbîr, medyakar û kesayetiyên baş û şareza ji her çar parçeyên Kurdistanê nas kirin û bi vê yekê kêfxweş û şad im.
Spas ji bo kesên ku karê me bilind dinirxînin. Spas ji bo kesên ku rexneyan li karê me dikin bi mebesta çakirin û başkirinê. Spas ji bo kesên ku ji derveyî Rûdawê bi me re alîkar in. Herwiha spas ji bo hevkar û rêveberiya Rûdawê ku me ev çend sal bi hev re derbas kirin û hêj em berdewam in.
Şîrove (0)