Civîna herdu dila

Lazgin Dêrûnî

Nevbera min û te jîn e
Mehdera me her evîn e
Herdû dil va lev civîne
Hêlîna eşqê danîne

Çav bilez eşqê dixwînin
Nameyê wan rasteqîn in
Hest ji dil re zû dişînin
Me ji ber wan çare nîn e

Sorgulê û şox û şengê
Wek şimamê rengerengê
Ew şeraba dev û sîngê
Mey helez û hingivîn e

Awirên çavê xumarî
Bisk û porê reş û tarî
Lêv û ew dêmên hinarî
Dil li ser te har û dîn e

Zû were ma tu li kû yî?
Bo çi ez hiştim û çûyî?
Ey Xuda baxtê me tu yî
Hêviya me bi cih bîne