Siya min

Zilan Hemo

Min ji destê te
piyala hezkirinek qaçax wergirt
Siya min
Min di labîrenta awirên xwe de
hûnda ke

Bihêle ez tenê carekê bi dîtina te
xwe sed carî bikujim
Ez bûme wek perçemoka
aşiqî rojê bûye
Ber ve te ve difirim
Tu dereng mayî
Di devê deriyên kenên min de,
pîrhebokan konên xwe vedan
û jê koç kirin
vegere
min lêvên xwe li ser dêmên te
ji bîr kirin
min awirên xwe di çavên te de berdan
xwe jî di hezkirina te de derd da
vegere dixwazim porê te
dinav porê xwe de bihunim
vegere
li benda te
beybûn di destên min de çilmisîn
stêrkên ku ji ber
xweşik bûna çavên te diteyisîn
li peyî te yek bi yek
ji sînga asman weşiyan
Min di çavên xwe de kedî bike
Bi bijangên xwe min binixumîne
Bihêle di çavên te de razêm
Di xewnên xwe de jî
çavên te bibînim
Belkî bikaribim
ji dîtina wan têr bibim

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ji bo em bikaribin pirsan biafirînin, pêdiviye em hişmendiya xwe têxin bin barê lixwevegeranê.

Vê carê bi felsefa civakî re û yek ji wan profesorên Fîlosof ên jin (Hanah Arendt

Teoriyên felsfa Civakî yên Hannah Arendt

Hannah Arendt (1906-1975) teorîzan û fîlozofeke siyasî ya bibandor…

EBDILBAQȊ ELȊ

Avdareke nȗ ȗ rewșȇn dijwar

Dem dibûre û sal li pey salȇ tȇn, sal nȗ dibin, temenê mirov jî bi xwe re kintir û kevintir dike, lȇ mirov tu carȋ ranaweste, hêvî, omȋd û dilxwazî di dil de her dimînin ȗ her ȗ her nȗjen, zindî û…

Narîn Omer

Bi çavên min te nabînin
bi lêvên min te naxwînin
Di dermafên te şaşyar in
xwe yekcarê dixapînin

Nikarim bê te jîndarbim
tenê rûnim tenê rabim
Tuyî mayîn tu jîna min
ji ber mana te vîndar bim

Li gor dana te bêzar im
li ber pesnên te bêzar im
Ziman û ev qelem jar bûn
li şûna…

Rêber Hebûn

Dîwana Sîmirbazî bi şêweyekî zanyarî û wêjeyî hatiye nivîsandin ji aliyê helbestvana Kurdistanî Kubar Hawar.

Ev pirtûka wê ya dûyem e ji weşanên Şilêr e, pirtûk ji 130 rûpelî pêktê, bêgûman ku ev mijar dewlemend e bi raman û şîrovekirinê ji pêşî bi nîşana Sîmirbaz ve destpê…