Birîna helbestê


Burhan Hesso

Helbest birîndar e
Derman
Ax
Av
Ba yê welat e
Ez ne sax im
Ne mirî me
Gulokek rîs ê kevir î
Di hengaw a dil de ,bi takên xwînê re,têtin ristin
Gerdena min mîna Teşiya Dayka min
Qîrîn û kesran dirêse

Dilê min mîna gulokek kevir
Li pey Teşyê
Diçe,tê
Diçe ,tê
Tê û diçe
Serê min li dîwarê ramanan dikeve
Xwelya bîranînan ji kuloxê poşmaniya min hildiweşe,hildiweşe
Hildiweşe ser qîtik û pariyên kezeba min
Aaaaaaaaaaax,ax
Ax ax ax ax ax ax ax ax
Li min,dara di tehtand e şînhatî
Li biyabanan
li çolan
Li derek e ,kes têr e  ne çûyî,ne kes têr hatî
Li minê liminê
Tora devê şikeftan,li ber guran vedayî
Agirê di birînan de dadayî
Xwelya kork û tifikan li şûn wara mayî
Temen roj pey rojê ji dara jiyanê diweşe
Sal pêve neman
Şev mar in
Roj li min Ejdeha ne
Durî welat im
Temîn û qewîtiya min
Li kesên diçin welêt
Kesên ji welêt bên
Hilmek e Ba
Çengek e Av
Û ji bîr nekin,
ji bin pêyên Dayika min,
mistek e Ax
Ji min re bi xwe re bînin
Helbest a min birîndar e
Û
Ez
Ji serê xwe heta pêyan
Welatek e birîn im!.

7.4.2020

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…