Helbest u Vidyo

Roja Cîhanî ya Zarokan


 Konê Reş

Em zarokên Kurda ne
Ji bê pirsî winda ne
Kesî haj me tunî ne
Va em jî reben ma ne

Cejna zarokên cîhan
Ji mafê me ye dîlan
Em jî bi kêf û şadî

Bi raqisin bi lîlan
Lê mixabin sed carî
Jiyana me reştarî
Ya heval û hogiran
Buhar li wan dibarî

Zimanê dê qaçaxe
Bav bi nalîn û waxe
Wa Netewên Yekgirtî !
Ji vê rewşê me daxe

Kurd ne hov û bela ne
Em jî zarokên wa ne
Daxwaza me aştî ye
Çima bi we giran e ?!

Gelî zarokên cîhan
Bîst û pêncê cehzeran
Cejna me mendala ye
Ji bil zarokên Kurdan

Ji mafê me jî azadî
Bi cejin û kêf û şadî
Bi yarî û nûcil bin
Bilind bangkin azadî

Çima wisa em dîlin
Weha em ne li bîrîn
Wa Netewên Yekgirtî  !
Em zarok in hêsîrin

Armanca me aşîtî
Hezkirin û biratî
Gunehê me çi heye
Kîn û pevçûn hilatî

Konê Reş
Qamişlo

Ev gotar bikêr bû?

Nêrîna te ji bo başkirina naverokê alîkar e

0% ji xwendevanan ev gotar ecibandin
(0 nirxandin)

Şîrove (0)

Şîroveya xwe binivîse

Nivîsên din

Konferansê «Kurdên Qefqasyayê»

Ebdûlazîz QasimÎro Mamosta Hejar Şamil li ser malpera xwe nûçeyek weşand li ser lidarxistina konferansekî pir girîng yên Kurdên Qefqasyayê bi înîsiyatîfeke…

”Pênûsa Nû” hejmara 108an

Hejmara 108 ya ‘’Pênûsa Nû’’, Hejmareke tijı̂ nivı̂s û berhemên cûrbecûrin. Hûn dikarin gelek berheman di warê; Gotar û Nerı̂n, Ziman, Dı̂rok,…