Daxuyaniya dawiyê ya konferansê asayî yê Hevkariya partiyên Kurdistanê li Elmanya

Konferansê asayî yê Hevkariya partiyên Kurdistanê li Elmaniya li roja 22.12.2019`an li bajarê Kolin yê Elmanya bi beşdariya nûnerên piraniya partiyên Kurdistanê yên li Elmanyayê hate li darxistin.
Konferans bi deqeyek bêdeng li ser giyanê şehîdên Kurdistanê û doza netewî ya gelê Kurdistanê destpê kir, piştre babetên siyasî û rêxistinî û darayî yên di rojeva konferans de û planên Hevkariyê yên di qonaxa pêş de hatin gotûbêj kirin.

Beşdaran tekezî li ser wê yekê kirin ku divê Hevkarî bi carekî bibe pizdanek siyasî ya Kurdî, û wekî platformek siyasî û dîplomasî kar ji bo doza gelê Kurdistanê û mafên wê yên netewî û niştimanî yên rewa bike, û hevdem be digel hemû bûyerên siyasî û pêşhatên diqewimin li çar parçên Kurdistanê û amade be ji bo karvedana digel her bûyereke awarte, û têkilî û danûstendinan bi hemû aliyan navdewletî yên taybet bi mafên mirov û hikûmet û partiyên Ewrûpa re bike ji bo peydakirina piştgiriyê ji gelê Kurdistanê û doza wê ya netewî û niştimanî re.

Herwiha rewşa siyasî ya heyî li ser çar parçên kurdistanê, nemaze pêşveçûnên metirsîdar yên li Kurdistana Sûriyê diqewimin hatin gotûbêj kirin, nemaze yên piştî dagîrkirina Efrînê, SerêKaniyê û Girêspî ji hêla Tirkiyê û komên çeteyên wê ve.

Tawanên bi destê milîsên dijbereya Sûrî yên girêdayî bi Tirkiyê ve, û operasyonên guhartina demografî li herêmê hatin şermezar kirin, û Hevkariyê bang li civaka navdewletî kir ku fişaran li ser Tirkiyê bikin da ku bi berpirsiyariyên xwe yên yasayî bigire li hember xelkê sivîl yê herêmê û dersînorkirina hemû komên çeteyan, û rêvebirina herêmê ji hêla xelkê wê ve, û dabînkirina parastina navnetewî ya pêwîst ji bo xelkê resen yê herêmê.

Konferans; siyasetên Tirkiyê û Îranê yên li dijî gelê Kurd û berdewamiya wan li ser înkarkirina mafê gelê Kurd li Kurdistanê û oparesyonên tepeserkirin û binçavkirina çalakvanên siyasî yên Kurd şermezar kir, tevî şermezarkirina kiryarên tepeserkirina xwepêşandanên çemewarî  li Iranê ji hêla rejîma îslamî ya Îranê û berdewamiya wê li ser darvekirina çalakvanên siyasî yên Kurd.

Konferans bi kêfxweşî encamên erênî yên damezrandina Hikûmeta Herêma Kurdistanê û vegerandina peywendiyan digel Bexda piştî dagîrkirina Kerkûkê û deverên veqetayî ji kurdistanê piştî pêkanîna referandoma Kurdistanê nirxand.

Di dawiya dawîn de, rêzikên navxwe yên Hevkariyê hatin gotûbêj kirin, û hin guhertinên pêwîst li ser wan hatin pêkanîn, û desteyeke nû ya rêveber hat helbijartin ji bo aktivkirina performansa Hevkariyê di qonaxa pêş de.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Zagros Osman

beşek ji siyasetmedarên kilasîk ê kurd, nemaze yên ku hişmendiya wan di salên 1960, 1970 û 1980an de çêbûye, hîn jî li ser ya xwe ne ku hişmendiya rabirdûyê dubare dikin, mîna ku çerxa demê li wê xalê rawestiya be. siyasetmedarên navbûrî bandora kûr a veguherînên dîrokî yên 35…

Narîn Omer

Malpera “Welatê me” ji bîst salan ve û heta niha jî dana xwe ya bê hempa di warê çand û wêjeya kurdî de didomîne.
Ew yek ji wan çend malperan e ku bê navbir û behnvedan weşan û beşdarbûna xwe, hem bi zimanê Kurdî û hem jî bi Erebî…

Reşîd Ebas

Berî sê rojan min nûçeyeke xemgîn bihîst, ew nûçe ya barkirina nivîskar û helbestvan Hişyar Muhemed bû dilovaniya Xwedê li giyanê wî be. Ez pir bi vê nûçeyê xemgîn bûm, piştî du rojan min bi rêya (masincir) bi Evdî Çaço re deng kir, sersaxî ji wî re xwest û di…

EBDILBAQȊ ELȊ

Di mêjûya gelê kurd de du bȗyerȇn diyar hene ku bi hevre xalaeke guhertinȇ ya mezin di pȇvajoya gelȇ ku ji mȇjve jibo mafȇn xwe yȇn netewȋ ȗ niștimanȋ tekoșȋn kiriye ҫȇkirine. yek ji herdȗ bȗyeran damezirandina Partiya Demokrat a Kurdistanê ye, û ya dȋ jidayikbûna Serokê gelê kurd, Mesûd…